कैलारीमे विपद क्षेत्रमे एमपिडिएसके मजा भूमिकाः गापा अध्यक्ष

पहुरा समाचारदाता
हसुलिया, २८ सावन । बहुउद्देश्यीय विकास समाज,डडेल्धुरासे कैलालीके कैलारी गाउँपालिकामे विपदके क्षेत्रमे मजा कार्य करल गाउँपालिका अध्यक्ष राजसमझ चौधरी बटैले बटै ।

बहुउद्देश्यीय विकास समाज (एमपिडिएसके)डडेल्धुराके आयोजनामे बाढी तथा पहिरो प्रभावित जनताका लागि आपतकालिन अवस्थामा सहयोग गर्न पूर्व तयारी तथा प्रतिकार्य परियोजनाके परियोजना शुभारम्भ अभिमुखीकरण कार्यक्रममे उहाँ उ बाट बत्वाइल रहिट ।

कार्यक्रममके प्रमुख अतिथी रहल गाउँपालिका अध्यक्ष एमपिडिएस से पहिल ओ दुसरा चरणके कार्यक्रम संचालनके क्रममे बाढ तथा विपद क्षेत्रमे मजा कार्य करल कहटी प्रशंसा करल रहिट ।

उहाँ टिसरा चरणमे संचालन हुई लागल यी परियोजनासेफे विपद जोखिम न्यूनिकरणके क्षेत्रमे महत्वपूर्ण कार्य हुइना विश्वास व्यक्त करलै । पालिका अध्यक्ष चौधरी परियोजनाहे लक्षित समुदायमे सफल रुपमे कार्यान्वयनके लाग स्थानीय सरकारके ओरसे पूर्ण सहयोग एंव सहकार्य रना बटैलै ।

कैलारी गाउँपालिकासंगके समन्वय ओ कियाके सहयोगमे बहुउद्देश्यीय विकास समाज,डडेल्धुरासे कैलारी गाउँपालिकामे बाढ तथा पहिरो प्रभावित जनताके लाग आपतकालिन अवस्थामे सहयोग कैना पूर्व तयारी तथा प्रतिकार्य परियोजना टिसरा चरणके कार्यक्रम संचालन करेलागल जनागिल बा ।

स्थानीय स्तरके सरोकारवाला निकायहे परियोजनावारे जानकारी कराके समन्वय तथा सहकार्यके माध्यमसे परियोजनाके गतिविधी प्रभावकारी रुपमे कार्यान्वयन कैना सहयोग पुगे कहिके परियोजना शुभारम्भ अभिमुखीकरण गोष्ठीके आयोजना करल हो ।

कर्यक्रममे परियोजना मार्फत संचालन कैना गतिविधीके बारेमे परियोजना संयोजक शिवराज पाठक प्रस्तुतीकरण करल रहिट । उहाँ परियोजना मार्फत समुदायस्तरमे पूर्व तयारीके लाग जनचेतना मुलक कार्यक्रम संचालन, बाढ प्रभावितहुकनहे राहत सामाग्री सहयोग, जोखिम नक्साकंन तथा सर्वेक्षण, विपद सामाग्री सहयोग, पूर्व सूचना प्रणाली सम्बन्धी अभिमुखीकरण, टास्क फोर्स ओ समुदायके अगुवाके लाग आत्मरक्षा सम्बन्धी तालिम, वृक्षारोपण तथा वायोईन्जिनियरिङ कार्य संचालन कैना बटैलै ।

कार्यक्रममे कैलारी गाउँपािलका वडा नं ३ के अध्यक्ष सन्तराम चौधरी, वडा नं ५ के अध्यक्ष विष्णु चौधरी, वडा नं ६ के अध्यक्ष प्रेम चौधरी, वडा नं ७ के अध्यक्ष दिपेन्द्र बम, सामाजिक विकास शाखा प्रमुख यगम कलेल, कैलारी गाउँपालिका विपद फोकल पर्सन भुवन बखरीयालगायतसे मन्तव्य राखल रहिट ।

कैलारी गाउँपालिका वडा नं ४ के अध्यक्ष एंव विपद व्यवस्थापन समितीके संयोजक ठागुराम चौधरीके अध्यक्षतामे कार्यक्रम सम्पन्न हुइल रहे ।