१० औं टीकापुर विद्रोह दिवस सुरु

पहुरा समाचारदाता
कैलाली, ७ भदौ । कैलालीके टीकापुरमे १० औं टीकापुर विद्रोह दिवस कार्यक्रम मनागिल बा ।

२०७२ भदौ ७ गते थरुहट÷थारुवान आन्दोलनके क्रममे आन्दोलनकारी व प्रहरीबीच दोहोरो झडप हुके एक नाबालकसहित ८ सुरक्षाकर्मीके ज्यान जैना कैके टीकापुर घटना घटल रहे ।

उहे घटनाहे स्मरण कैटी विद्रोह दिवस मनैटी अइलक हो । थारु कल्याणकारिणी सभा कैलाली ओ थरुहट÷थारुवान राष्ट्रिय मोर्चाके आयोजनामे शनिच्चर टीकापुरमे १० र्औ विद्रोह दिवस कार्यक्रम हुइटी रहल हो ।

थारु कल्याणकारिणी सभा कैलालीके सभापति वीरबहादुर थारुके अध्यक्षतामे हुइलक कार्यक्रमके वरका पहुना पूर्वमन्त्री एव. थरुहट नेता रामजनम चौधरी रहल बाटै । कार्यक्रममे दाङसे पश्चिम कञ्चनपुरसमके थारु अगुवा तथा नेताहुकनके सहभागिता रहल बा । कार्यक्रम अन्तरक्रियात्मक कैना आयोजक जनैल बा ।