अमेरिकाके मेरिल्याण्ड राज्यमे गौरापर्व मनैना
पहुरा समाचारदाता
धनगढी, १३ भदौ । अमेरिकाके मेरिल्याण्ड राज्यमे गौरापर्व मनैना हुइल बा ।
सुदूरपश्चिम नेपाली समाज मेरिल्याण्डके आयोजनामे गौरापर्व मनाइ लागल हो । मेरिल्याण्ड स्थित हिन्दुबुद्ध मन्दिरमे यिहे अइना अगस्ट ३१ तारिख अँटवार हुई लागल गौरा पर्वके तयारी अन्तिम चरणमे पुगल गौरा व्यबस्थापन समिति जनैले बा । समितिके अनुसार पर्वके लाग प्रतिमा बनैना, बिरुडा अर्थात क्वाटी बनैना, मन्दिर प्रागंणहे ध्वजापतासे सिगर्ना, गेट निर्माण कैना, देउडा खेलके तयारी कर्नालगायतके कार्यक्रम धमाधम हुइटी रहल जनाइल बा ।
नेपालके सुदूरपश्चिम क्षेत्रके मौलिक पर्व गौरा बिगत ४ वर्षसे मेरिल्याण्ड राज्यमेफे मनैटी आइल बा । अपन कला सस्कृतिके संरक्षण तथा पुस्तान्तरणमे टेवा पुगैना उद्देश्यसे गौरा पर्व मनाई लागल गौरा व्यबस्थापन समितिके संयोजक तिर्थराज पाण्डेयके कहाई बा ।
अइना अँटवार हुई जैटी रहल पर्वमे गौरा देवीके पुजा ओ देउडा खेल हेरेक लाग मेरिल्याण्ड, डिसी राज्य बरपर रहल सक्कु जाने नेपालीभाषीहुकनहे नेपाली पोशाकमे उपस्थित हुके पर्व सफल पर्ना समितिसे सक्कुहुनहे अनुरोध समेत करल गौरा व्यबस्थापन समिति मेरिल्याण्ड मिडिया संयोजक रमेश भट्टराई बटैलै ।
