लागुऔषधसहित दुई जाने पक्राउ

पहुरा समाचारदाता
धनगढी, १६ अगहन । कैलालीमे अलग अलग ठाउँसे अवैध लागु औषधसहित दुई जाने पक्राउ परल बटै ।

धनगढी उ.म.न.पा.२ त्रिनगर व्यारेलसे डोटीके दिपायल सिलगडी न.पा.४ बैठना बर्ष ३२ के दिपेन्द्र वडहे ६४० मिलिग्राम लागुऔषध खैरो हेरोइनसहित पक्राउ करल हो । प्रहरी चौकी त्रिनगर, कैलालीसे खटल प्रहरी टोलीसे नियन्त्रणमे लेके ठप अनुसन्धान हुइटी रहल प्रदेश प्रहरी कार्यालय धनगढीके सकारेक बुलेटिन मार्फत जनाकारी डेगिल बा ।

ओस्टेक धनगढी उ.म.न.पा.१३ राजपुरसे उहे ठाउँ बैठना बर्ष २४ के आकाश रानाहे २ ग्राम २८० मिलिग्राम लागुऔषध खैरो हेरोइनसहित वडा प्रहरी कार्यालय धनगढी ओ लागुऔषध नियन्त्रण व्युरो शाखा कार्यालय धनगढीसे संयुक्त रुपमे खटल प्रहरी टोलीसे नियन्त्रणमे लेके ठप अनुसन्धान कैटी रहल जनाइल बा ।