आठौँ प्याप्सन फेस्टिवलके अवसरमे कविता प्रतियोगिता

पहुरा समाचारदाता
धनगढी, १९ अगहन । प्याप्सन धनगढीके आठौँ प्याप्सन फेस्टिवल २०८२ के अवसरमे आयोजित कविता प्रतियोगिता चैतन्य पाठशाला सभा हलमे सम्पन्न हुइल बा ।

कुल २१ जाने सहभागी मध्ये प्रथम शिशिर ओझा (माइलस्टोन ई.बो.स्कुल), द्वितीय जेनी चौधरी (चैतन्य पाठशाला) ओ तृतीय – प्राप्ती बस्नेत ( डिस्कभरी ई.स्कुल) हुइल बटै । ओस्टेक करके सान्त्वना स्थान प्रतिभा जोशी (एरिस्टो बोर्डिङ स्कुल) हुइना सफल हुइल बटै ।

प्रतियोगिताके निर्णयके रूपमे कैलाली बहुमुखी क्याम्पसके सहप्राध्यापक गणेशराज जोशी, साहित्यकार कोपिला शर्मा ओ चैतन्य पाठशाला मावि संयोजक हेमा जोशी रहल रहिट । कविता प्रतियोगिता नेपालके सौन्दर्य शिर्षकमे हुइल चैतन्य पाठशालाके निर्देशक कटकबहादुर सिंह जनैलै ।