सौरीक लर्का झारीमे फेकुइया महिला पक्राउ
पहुरा समाचारदाता
धनगढी, १ पुस । धनगढीमे पुसके कठ्याङ्ग्रिना जुरारमे सौरीक लर्का बाँसक झाडीमे फेकुइया महिला पक्राउ परल बटी ।
जिल्ला प्रहरी कार्यालय कैलालीके टोली धनगढी उपमहानगरपालिका–८ भद्रटोलके एक महिलाहहे नियन्त्रणमे लेके सोधपुछ सुरु करल हो ।
उहाँ विवाहित रहल ओ उहाँक गोसिया रोजगारीके सिलसिलामे विदेशमे रहल जिल्ला प्रहरी कार्यालयके सह–प्रवक्ता प्रहरी निरीक्षक कैलाशसिंह विष्ट जानकारी डेलै । उहाँक अनुसार प्रसव पीडाके कारण महिला ढेर बोल्न सेक्न अवस्थामे नैरहल ओरसे रातिक जलमल लर्का विहान फेक्नाके कारण पाछे केल्ह खुली ।
मंगरके सकारे धनगढी उपमहानगरपालिका–८ भद्रटोलस्थित बाँसक झाडीमे फेकल अवस्थामे नवजात शिशु फेला परल रहे । करिब साढे ९ बजे सालनाल लागल ओ कपडासे बेरल अवस्थामे बच्चा भेटल रह े।
प्रहरी लर्कक उद्धार करके उपचारके लाग सेती प्रादेशिक अस्पतालमे पठाइल बा । उ बच्चक अवस्था हाल सकुशल रहल विष्ट बटैलै ।
