दिपेन्द्र माविके पूर्व विद्यार्थीनसे भेटघाट तथा शुभकामना आदन प्रदान कार्यक्रम

पहुरा समाचारदाता
धनगढी, १६ पु्स । कैलाली जिल्लाके कैलारी गाउँपालिका वडा नम्बर १ मे रहल दिपेन्द्र माविके पूर्व विद्यार्थीनसे भेटघाट तथा शुभकामना आदनप्रदान कार्यक्रम कैगिल बा ।

उ विद्यालयमे अध्ययनरत करल २०६६ सालके एसएलसी ब्याचके विद्यार्थीनसे मंगरके रोज भेटघाट तथा शुभकामना आदनप्रदान कार्यक्रम कैगिल हो ।

भेटघाट तथा शुभकामना आदनप्रदान कार्यक्रममे उ विद्यालयके पूर्व विद्यार्थीनसे विद्यालयके प्रअ विनोद भट्टराई, नारायण प्रसाद ढकाल, सन्तोष चौधरी, प्रभु चौधरी ओ विद्यालयके पूर्व शिक्षक श्याम मल्लहे मयााके चिनोसहित स्वागत कैगिलपाछे उहाँहुक्रे पालिक पाला शुभकामना व्यक्त करटी विद्यार्थीनसे कैगिल भेटघाट तथा शुभकामना आदनप्रदान कार्यक्रम सह्रायिन रहल बटैले । अब्बे सक्कु कामके कामके शिलशिलामे व्यस्तता रहलमे यैसिन कार्यक्रम निरन्तरता डेहे पर्ना जरुरी रहल बटैले रहिट ।

उ ब्याचके विद्यार्थीहुक्रे अब्बे भारी भारी पदमे पुगसेकल ओरसे विद्यालयहे गर्व हुइल कहटी सफलताके कामना व्यक्त करल रहिट । उ व्याचमे ३२ जाने विद्यार्थी रहल रहिट ।

भेटघाट तथा शुभकामना आदनप्रदान कार्यक्रमके संयोजक यशोदा चौधरी धन्यवाद ज्ञापन करल रहिट । कलेसे कार्यक्रम संचालन प्रशान्त ठाकुर करल रहिट । कार्यक्रममे पूर्व विद्यार्थी हरि प्रसाद चौधरी, सीमा महतो ,जगतराम चौधरीलगायत शुभकाममना राखल रहिट ।