कैलारीके गाउँसभा (हिउँदे अधिवेशन) सुरु

पहुरा समाचारदाता
धनगढी, २२ पुस । कैलाली जिल्ला कैलारी गाउँपालिकाके आर्थिक वर्ष २०८२/०८३ के गाउँसभा (हिउँदे अधिवेशन) सुरु हुइल बा ।

गाउँसभा (हिउँदे अधिवेशन)के पहिल बैठक गाउँपालिका अध्यक्ष राजसमझ चौधरीके अध्यक्षतामे हुइल रहे । पहिल बैठकसे थारु समुदायके माघ पर्वके अवसरमे माघ २ ओ ४ गते स्थानीय विदा डेना निर्णय करल बा ।

गाउँसभा बैठकमे गाउँपालिका उपाध्यक्ष भगवतीकुमारी चौधरी, गाउँसभाके सदस्यहुक्रे, प्रमुख प्रशासकीय अधिकृत खगेन्द्रराज जोशी, टमान शाखाके प्रमुख, वडा सचिवहुकनके सहभागिता रहे । सभाके दुसर बैठक माघ महिनामे बैठना गाउँपालिका अध्यक्ष बटैलै ।