१६ औ राष्ट्रपति रनिङ शिल्ड प्रतियोगिताके तयारी पुरा

पहुरा समाचारदाता
धनगढी, २२ पुस । कैलारी गाउँपालिकाके आयोजनामे पुस २३ गतेसे हुइना स्थानीय स्तरीय १६ औ राष्ट्रपति रनिङ शिल्ड प्रतियोगिताके तयारी पुरा हुइल बा ।

कैलारी गाउँपालिका वडा नम्बर २ मे रहल श्री राष्ट्रिय मावि उजलीसेमराके संयोजनमे २५ गतेसम संचालन हुइना प्रतियोगिताके तयारी पुरा हुइल उ विद्यालयके प्रिन्सिपल जितबहादुर रावत बटैलै । उ प्रतियोगिताके संयोजक वडा नम्बर ३ वडा अध्यक्ष तथा सामाजिक विकास संयोजक सन्तराम चौधरी रहल बा ।

वडा नम्बर ३ स्थित यौङ ब्याइज क्लवके खेलमैदानमे हुइना प्रतियोगिताके लाग मंगरके रोज खेलमैदान सरसफाई ओ मिलैना काम कैगिल बा । यिहीसे दिपेन्द्र माविसे प्रतियोगिताके संयोजन कैना करल रहे । कलेसे यी बरस राष्ट्रिय मावि उजलीसेमराहे जिम्मेवारी डेहल बा ।