‘औरहे अंगरी उठैना आघे अपने जिम्मेवार बनीं’ : नेपाल प्रेस काउन्सिलके सदस्य जोशी

पहुरा समाचारदाता
धनगढी, २३ पुस । धनगढीमे पत्रकार अचार संहिताबारे छलफल करल बा । नेपाल प्रेस काउन्सिलके सदस्य पदमराज जोशी नेपाल पत्रकार महासंघ कैलाली शाखाहे पत्रकार अचार संहिता पुस्तिका ओ आचार संहिताके लिखित ब्यानर हस्तान्तरण करटी यीबारे छोट छलफल करल रहिट ।

निर्वाचनके समयमे अचार संहिता उलङ्घन हुइटी आइल ओरसे फागुन २१ गतेके लाग तय हुइल निर्वाचनके समयमे पत्रकारहुकनहे अचार संहितामे रहिके काम कैना सजग करैलै । पत्रकारसे और उप्पर अंगरी उठैना केल्ह जानके नैहु्ई स्वयं अपनेफे अपन पेशाप्रति कटिबद्ध हुइल पर्ना प्रेस काउन्सिलके सदस्य पदमराज जोशीके कहाई रहल रहे ।

ओस्टेक नेपाल पत्रकार महासंघ कैलालीके अध्यक्ष श्रवण देउवासे आब लगत्तै प्रेस काउन्सिलसँगके सहकार्यमे कैलाली जिल्लाके अत्तरिया, टिकापुर, भजनी ओ धनगढीमे पत्रकार अचारसंहिताबारे सचेतना कार्यक्रम चलैना बटैलै ।

नेपाल पत्रकार महासंघके प्रदेश अध्यक्ष भरत शाह प्रदेश महासंघ करटी आइल कार्यक्रममे अचार संहितामेबारे आधारभूत प्रशिक्षण डेटी आइल समेत बटैलै ।

नेपाल पत्रकार महासंघ कैलालीके सभाहलमे केन्द्रीय सदस्य योगेन्द्र बलायर पत्रकार महासंघ सुदूरपश्चिम प्रदेशके अध्यक्ष भरत शाह , कैलाली जिल्ला अध्यक्ष श्रवण देउवा, नेपाल पत्रकार महासंघ कैलाली पूर्वअध्यक्ष अर्जुन शाह, सल्लाहाकार मिन बम लगायत पत्रकार महासंघके पदाधिकारी ओ अन्य सञ्चारकर्मीहुकनके उपस्थितिमे अचार संहिता बारे छलफल करल रहे ।