चैतन्यसे टमान व्यक्तित्वसहित नगर भल्मन्सा समितिहे सम्मान
पहुरा समाचारदाता
धनगढी, २८ पुस । चैतन्य पाठशालासे दुसरा विद्यार्थी महोत्सव–२०८२ के सातौँ दिनके विशेष समारोहमे टमान व्यक्तित्वसहित धनगढी उपमहानगरपालिका स्तरीय नगर भलमान्सा समितिहे सम्मान करले बा ।
सामुदायिक नेतृत्व ओ सामाजिक न्यायके क्षेत्रमे पु¥याइल योगदानके उच्च कदर करटी नगर भलमान्सा समितिहे सम्मान करल हो । थारु समुदायके बडघर (भलमान्सा) प्रथामार्फत जनसमुदायके आवाज, आवश्यकता ओ समस्याहे सङ्गठित रूपमे सङ्कलन करके सम्बन्धित निकायसम पु¥यइटी स्थानीय सामाजिक न्याय, मेलमिलाप ओ सामाजिक एकता कायम रख्न महत्वपूर्ण भूमिका निर्वाह करल कहटी समितिहे “चैतन्य उत्कृष्ट सामुदायिक नेतृत्व सम्मान” प्रदान करल हो ।
समारोहमे कार्यक्रमके प्रमुख अतिथि कैलारी गाउँपालिकाके अध्यक्ष राजसमझ चौधरी, चैतन्य पाठशालाके प्राचार्य प्रेमनिधि ओझा तथा पाठशालाके अध्यक्ष गणेशप्रसाद जोशी समितिके पदाधिकारी तथा सदस्यहुकनहे सम्मान–पत्र ओ दोसल्लासहित सम्मान करल हुइट ।
सम्मानित हुइना नगर भलमान्सा समितिके अध्यक्ष रोहित चौधरी, उपाध्यक्ष रामनारायण चौधरी, सचिव बिन्तीराम चौधरी, कोषाध्यक्ष तेजराम चौधरी, तथा सदस्य क्रमशः भोजराम चौधरी, शिवचरण चौधरी, जितराम चौधरी, माया चौधरी, गणेश चौधरी, कृष्ण राना ओ जोगीलाल चौधरी रहल बटै ।
आयोजकके अनुसार बडघर प्रणालीके संरक्षण, प्रवद्र्धन तथा सशक्त कार्यान्वयनमार्फत जनसहभागिता अभिवृद्धि, सामाजिक सद्भाव कायम ओ स्थानीय शासन प्रक्रियामे समुदायके पहुँच विस्तार कैना समितिसे खेलल भूमिकाहे सम्मान करटी यी कदर प्रदान करल हो ।
सम्मानपाछे समितिके प्रतिनिधिहुक्रे चैतन्य पाठशालाप्रति आभार व्यक्त करटी समुदायके हित, सामाजिक न्याय ओ परम्परागत मूल्य–मान्यताके संरक्षणके लाग अइना दिनमेफे निरन्तर क्रियाशील रना प्रतिबद्धता व्यक्त करलै । ओस्टेक सोम्मारके रोज टमान क्षेत्रमे योगदान पुगाइल विशिष्ट व्यक्तित्वहुकनहे सम्मान करल बा ।
डा. शिव प्रसाद सापकोटा ‘चैतन्य उत्कृष्ट शिक्षा सेवी सम्मान’से सम्मानित
कैलाली बहुमुखी क्याम्पसके सहायक क्याम्पस प्रमुख डा. शिव प्रसाद सापकोटाहे चैतन्य दुसरा विद्यार्थी महोत्सव–२०८२ के अवसरमे ‘चैतन्य उत्कृष्ट शिक्षा सेवी सम्मान’ प्रदान करल बा ।
सुदूरपश्चिममे रहिके शिक्षा क्षेत्रमे निरन्तर समर्पण ओ लगनशीलताके साथ शिक्षण, अनुसन्धान तथा शैक्षिक मार्गदर्शनमार्फत विद्यार्थीहुकनके बौद्धिक, नैतिक ओ व्यवहारिक विकासमे उल्लेखनीय योगदान पुगाइल कहटी उच्च कदर स्वरूप उहाँहे उ सम्मान प्रदान करल हो
कार्यक्रमके प्रेरक उपस्थितिमे रहल साहित्यकार तथा सञ्चारकर्मी डा. नवराज लम्साल, चैतन्य पाठशालाके प्राचार्य प्रेमनिधि ओझा ओ अध्यक्ष गणेश प्रसाद जोशीसे उहाँहे सम्मान–पत्र तथा दोसल्ला सहित उहाँहे सम्मानित करल हो ।
तेक्वान्डो अभियन्ता श्रीराम चौधरी सम्मानित
सुदूरपश्चिम प्रदेशमे तेक्वान्डो खेलकुदके विकास, खेलाडी उत्पादन तथा सङ्गठनात्मक विस्तारमे उल्लेखनीय योगदान पुगैटी आइल सुदूरपश्चिम तेक्वान्डो सङ्घके सचिव श्रीराम चौधरीहे चैतन्य दुसरा विद्यार्थी महोत्सव–२०८२ के अवसरमे ‘चैतन्य उत्कृष्ट खेलकुद योगदान सम्मान’ प्रदान करल बा ।
कार्यक्रमके प्रमुख अतिथि कैलारी गाउँपालिका अध्यक्ष राजसमझ चौधरी, चैतन्य पाठशालाके प्राचार्य प्रेमनिधि ओझा ओ अध्यक्ष गणेश प्रसाद जोशी उहाँहे सम्मान–पत्र तथा दोसल्ला सहित सम्मान करल हो
महिला उद्यमी सरस्वती पन्त सम्मानित
स्वदेशी आयुर्वेदिक ज्ञान, प्राकृतिक उपचार पद्धति तथा उद्यमशील सोचमार्फत स्वास्थ्य सेवा प्रवद्र्धनमे उल्लेखनीय योगदान पुगैटी आइल उच्चाकोटी औषधालयके सञ्चालक तथा महिला उद्यमी सरस्वती पन्तहे चैतन्य दुसरा विद्यार्थी महोत्सव–२०८२ के अवसरमे ‘चैतन्य उत्कृष्ट महिला उद्यमी सम्मान’ प्रदान कर बा ।
समाजसेवी छेदुलाल चौधरी सम्मानित
निर्माण व्यवसाय तथा सामाजिक सेवाके क्षेत्रमे निष्ठा, इमानदारी ओ गुणस्तरीय कार्यशैलीमार्फत समाजमे सकारात्मक पहिचान स्थापित करटी आइल समाजसेवी छेदुलाल चौधरीहे ‘चैतन्य प्रेरणादायी समाजसेवी सम्मान’ प्रदान करल बा ।
वरिष्ठ उद्योगपति अग्रवाल सम्मानित
चैतन्य दुसरा विद्यार्थी महोत्सव–२०८२ के अवसरमे वरिष्ठ उद्योगपति तथा राज ग्रुपके अध्यक्ष ओमप्रकाश अग्रवालहे “उद्यमशीलता ओ उद्योग उत्कृष्टता सम्मान” प्रदान करल बा ।
व्यावसायिक लगनशीलता, दूर दृष्टि ओ सामाजिक उत्तरदायित्वमार्फत आर्थिक विकास, सामाजिक सेवा तथा रोजगारी सिर्जनामे उल्लेखनीय योगदान पुगाइल कहटी कार्यक्रमके प्रमुख अतिथि कैलारी गाउँपालिका अध्यक्ष राजसमझ चौधरी, चैतन्य पाठशालाके प्राचार्य प्रेमनिधि ओझा ओ अध्यक्ष गणेशप्रसाद जोशी सम्मान–पत्र तथा दोसल्ला सहित अग्रवालहे सम्मानित करल हो ।
वरिष्ठ साहित्यकार तथा सर्जक भण्डारी सम्मानित
चैतन्य दुसरा विद्यार्थी महोत्सव–२०८२ के अवसरमे सुदूरपश्चिमके वरिष्ठ साहित्यकार तथा सर्जक निर्मल कुमार भण्डारीहे ‘साहित्य तथा सिर्जनात्मक उत्कृष्टता सम्मान’ प्रदान कर बा ।
युवा अभियानकर्मी गंगा भण्डारी सम्मानित
युवाके सक्रिय सहभागिता, नागरिक पारदर्शिता तथा जबाफदेहिता प्रवद्र्धनके लाग निरन्तर अभियान सञ्चालन करटी स्थानीय शासन प्रणाली सुदृढीकरणमे योगदान पुगैटी आइल युवा अभियानकर्मी गंगा भण्डारीहे चैतन्य दुसरा विद्यार्थी महोत्सव–२०८२ के अवसरमे ‘चैतन्य उत्कृष्ट युवा अभियानकर्मी सम्मान’ प्रदान करल बा ।
