कैलारीमे अपाङता हुइल व्यक्तिनहे फास्टफुड तालिम डेगिल
पहुरा समाचारदाता
धनगढी, ३० पुस । कैलाली जिल्लाके कैलारी गाउँपालिका वडा नम्बर ५ स्थित पवेरामे अपाङता हुइल ग ओ घ वर्गके अपाङता रहल व्यक्तिहुकनहे पाँच दिने फास्टफुड सम्बन्धी तालिम डेहल बा ।
कैलारी गाउँपालिका महिला बालबालिका तथा जेष्ठ नागरिक शाखाके आयोजना माध्यम तथा समान्य वर्गके अपाङता हुइल व्यक्तीनहे क्षमता विकासके लाग सीप विकास कार्यक्रम अन्र्तगत ओइनके जिविकोपार्जनके लाग आयस्तर वृद्धि करेक लाग तालिम संचालन करल हो ।
तालिम समापन कार्यक्रम दिप अपाङ मानव अधिकार संघ कैलारीके अध्यक्ष गौरीशंकर चौधरीके अध्यक्षतामे हुइल रहे । कार्यक्रमके प्रमुख अतिथि गाउँपालिका उपाध्यक्ष भगवतीकुमारी चौधरीके ओ विशिष्टि अतिथि वडा नम्बर ५ के वडाध्यक्ष विष्णु प्रसाद चौधरी, अतिथिमे वडा सदस्य भागुदास चौधरी, कैलारी गाउँपालिका महिला बालबालिका तथा जेष्ठ नागरिक शाखाके प्रमुख बालकुमारी चौधरी रहल रहिट ।
कार्यक्रममे सम्बोधन करटी प्रमुख अतिथि गाउँपालिका उपाध्यक्ष भगवतीकुमारी चौधरी अपाङता रहल व्यक्तिहुकनहे अवसरके कमी रहल ओ ओइनहे अवसर प्रदान करलेसे सपाङ व्यक्ती जस्टे काम करे सेक्ना बटैलै । उहाँ कहलै, ‘अपाङता रहल व्यक्तिनहे संचालन करल व्यवसायके थप प्रोत्साहन कैना जरुरी बा ।
तालिम लेहे व्यवसाय संचालन करुइयाहुकनके थप तालिम चाहलेसे पालिकासे सहयोग कैना उहाँ बटैली । अपाङता रहल व्यक्तीनहे समाजमे हेर्ना नजरिया फरक रहल कहटी ओइनहे कुछ करेनैसेक्ही कना सोच रहल ओरसे अवसर प्र्रदान ओ प्रोत्साहन कैना जरुरी बा ।
गाउँपालिकासे यिहीसे आघेफे अपाङता रहल व्यक्तिहुकनहे टमान फेरिक तालिम डेहल ओ वहाँहुक्रे बाँस, वेटके सामाग्री निर्माण कैटी रहल बटैली ।
तालिममे फास्टफुड सम्बन्धी प्रशिक्षण रामसवक चौधरी डेहल रहिट । यिहे विच तालिम समापन संगे वहाँहुकनहे बाल्टी, जग ओ थोरचे भाँडा सहयोग करल बा ।
