गौरीगंगामे माघ २३ गतेसे महोत्सव हुइना
पहुरा समाचारदाता
धनगढी, १० माघ । कैलालीके गौरीगंंगा नगरपालिकामे महोत्सव हुइना हुइल बा । गौरीगंंगा उद्योग वाणिज्य संघके आयोजनामे यिहे माघ २३ गतेसे औद्योगिक, व्यापार, कृषि तथा पर्यटन मेला “गौरीगंंगा महोत्सव २०८२” हुइना हुइल बा ।
शनिच्चरके रोज पत्रकार सम्मेलन कैके महोत्सवबारे जानकारी डेहल बा । करिब तीस लाखके लागतमे आयोजना हुइना महोत्सव फागुन ५ गतेसम गौरीगंंगा नगरपालिका ८ मसुरिया बजारमे सञ्चालन हुइना संघके अध्यक्ष खेमानन्द पौडेल जानकारी डेलैं ।
महोत्सवके लाग उद्योग वाणिज्य संघ पूर्ण तयारी अवस्थामे रहल बटैटि पौडेल महोत्सवसे स्थानीय ओ बाह्य व्यापारिक गतिविधिहे प्रवद्र्धन करटि नयाँ बजार खोज्न ओ पर्यटकीय क्षेत्रके पहिचान स्थापना कैके नगरपालिकाके आर्थिक, सामाजिक व्यवसायिक कृषि, उद्योग पर्यटन खेलकुद ओ सांस्कृतिक पक्षहे उजागर करटि आर्थिक गतिविधि चलायमान बनैना लक्ष्य रहल बटैले बटैं ।
स्थानीय कला, संस्कृतिके संरक्षण ओ सम्बद्र्धनमे योगदान डेहल तथा सम्भावना रहल स्थानीय कलाकारहे प्राथमिकता डेना, उद्यमी, व्यवसायी ओ स्थानीय उत्पादनहे महोत्सवमे विशेष महत्व डेना उहाँ बटैलैं ।
महोत्सवमे १५० सम स्टल रहना ओ सुरक्षा व्यवस्थाहे प्रविधिक तथा समयसापेक्ष अनुसारके चुस्त व्यवस्था मिलैना आयोजक जनैले बा । “समुन्नत गौरीगंंगाके आधार शिक्षा, स्वास्थ, खेलकुद, कृषि पर्यटन, उद्योग ओ व्यापार” मुल नारा रहल बा ।
