तारानगरके भल्मन्सामे गोठुराम

पहुरा समाचारदाता
धनगढी, ११ माघ । कैलाली जिल्ला धनगढी उपमहानगरपालिका–५, तारानगरके भुरा खेलसे गाउँक भल्मन्सामे गोठुराम चौधरीहे सर्वसहमतसे चयन कैगिल बा ।

गाउँक भुरा खेलसे चौकीदारमे जहुपति चौधरी ओ चिराकीमे प्रदेशी चौधरीहे सर्वसहमते चयन करल हो । १ सय ११ घरधुरी रहल तारानगरमे प्रत्येक घरसे घरौरा १३ सय ५० रुप्या उठाके नेतृत्वकर्ताहुकनहे पारिश्रमिक डेना निर्णय हुइल बा ।