मजगाउँमे माघ महोत्सव सुरु
पहुरा समाचारदाता
पहुरा, १२ माघ । थारू समुदायके लोककला, रिती संस्कृति, संरक्षण सम्र्बद्धन तथा पहिचान बचाइक लाग मजगाउँमे सोम्मारसे गोदावरी नगरस्तरीय थारु माघ महोत्सव सुरु हुइल बा ।
थारू कल्याणकारिणी सभा गोदावरी नगर समिति, बरघर भलमन्सा नगर समिति, मजगाउँ थारु सामुदायिक होमस्टे ओ न्यू खुँटिया चारपाटे युवा क्लबके आयोजनामे ‘संस्कृति संरक्षण, स्थानीय पर्यटन ओ आधुनिक कृषि प्रर्वद्धनके लाग एकजुट हुइ’ कना मुल नाराके साथ गोदावरी नगरपालिका वडा नम्बर ८ मजगाउँमे तीन दिने माघ महोत्सव सुरु हुइलक हो ।
महोत्सवके उदघाटन सुदूरपश्चिम प्रदेश प्रज्ञा प्रतिष्ठानके उपकुलपति डा. टिएन जोशी करल रहिट । उहाँ थारु समुदायके माघ महिनामे थारु समुदाये कहर्ना निसराउ काँरहके उदघाटन करल रहिट कलेसे गुरुवा कर्णबहादुर पछलडग्या सम्हौटी गैले रपहट । कार्यक्रममे सम्बोधन करटी उहाँ माघ महोत्सवसे थारु समुदायके कला, संस्कृति पुस्तान्तरणमे टेवा पुग्न बटैलै । उहाँ कहलै, थारु समुदायमे ढेर कला, संस्कृति बा, यी मेरके कार्यक्रम हुइलेसे उ संस्कृति स्थान पैना ओ जिविट रनाके साथे लौवा पुस्ताहे सिखैना सिख्ना मौका मिल्ठ । प्रतिष्ठानसे थारु समुदायके कला, संस्कृतिहे मैया कैके ढेर कार्यक्रम संचालनके लाग सहयोग करल बटैलै ।
कार्यक्रमे विशिष्ट पहुना पूर्व राज्यमन्त्री चुनकुमारी चौधरी, गोदावरी नगरपालिकाके नगर उपप्रमुख शारदादेवी रोकाय, पूर्व सांसद कैया चौधरी, थारु कल्याणकारिणी सभा कैलालीके निबर्तमान सभापति माधव चौधरी, चैतन्य पाठशालाके निर्देशक कटकबहादुर सिहं गोदावरी नगरपालिका वडा नम्बर ८ के वडा सदस्य हरिराम चौधरीलगायत मन्तव्य राखल रहिट ।
कार्यक्रमके अध्यक्ष तथा थारु कल्याणकारिणी सभा गोदावरी नगर अध्यक्ष जनकलाल चौधरी महोत्सव माघ १२, १३ ओ १४ गते हुइना बटैलै । उहाँ थारू समुदायके लोक कला, रिती संस्कृति, गीतबास, रितीरिवाज, चालचलन बोली भाषा संरक्षण सम्बद्धनके लाग यी बरस १६औं महोत्सव आयोजना रलक उहाँ बटैलै ।
महोत्सवमे टमान गाउँक स्थानीय भाँकी प्रदर्शन कैगिल रहे । यिह विच लोक सेवामे नाउँ निकरल गोदावरीके बिना चौधरी, विपना चौधरी, गोविन्द चौधरी, नवौ तहम बढुवा हुइकल घनश्याम चौधरी ओ थारु समुदायहे ढयार सहयोग सपोट कैलक सेवा निवृत खगेन्द्रराज शर्माहे सम्मान कैगिल रहे । कार्यक्रमके संचालन सानु चौधरी, ओ राजु चौधरी करल रहिट । कलेसे स्वागत मन्तव्य मजगाउँ थारु सामुदायिक होमस्टेके अध्यक्ष कल्पना चौधरी करल रही ।
महोत्सवमे ऐतिहासिक थारू खानपानके व्यवस्था, थारू कला संस्कृतिके जगेर्ना सम्बन्धी विविध कार्यक्रम, थारू समाज सेवा तथा प्रतिभावान व्यक्तिहे सम्मान कैना जनागिल बा ।
महोत्सवमे परिवर्तनके लाग युवा समूह (याक नेपाल) धनगढीसे स्थानीउ थारु खानपान, भेषभूषा, भाषा, कला, सीप तथा पर्यावरण संरक्षण, स्थानीय पर्यटन तथा आधुनिक कृषि पवद्र्धन ओ स्थानीय स्तरमे उत्पादित पोषणयुक्त रैथाने खानपान प्रवद्र्धन तथा आधुनिक कृषि तता जलवायुमैत्री प्रविधिके प्रवद्र्धनके स्टल धारल बा ।
महोत्सवके मुख्य हस्पिटल पार्टनरमे निसर्ग हस्पिटल एण्ड रिसर्च सेन्टर, हस्पिटल पार्टनरके रुपमे कैलाली हस्पिटल, संजिवी हस्पिटल, नवजीवन हस्पिटल, नोभा हस्पिटल, पद्मा हस्पिटल रहल बा कलेसे स्कूल पार्टनरके रुपमे चैतन्य पाठशाला रहल बा ।
