कैलाली–३ के कांग्रेस उम्मेदवार भिम बडुवालसे भेटघाट कार्यक्रम

पहुरा समाचारदाता
धनगढी, १३ माघ । कैलालीके निर्वाचन क्षेत्र नं– ३ से प्रतिनिधि सभाके प्रत्यासी उम्मेदवार भीम बडुवाल कैलारी गाउँपालिका स्थित हसुलिया बजारके साझा हलमे स्थानीय जनप्रतिनिधि तथा नेपाली कांग्रेसके नेता कार्यकर्तासँग भेटघाट करले बटै ।

नेपाली काँग्रेस कैलारी गाउँपालिका सभापति कृष्णप्रसाद चौधरीके अध्यक्षतामे हुइल कार्यक्रममे नेपाली कांग्रेस कैलाली जिल्ला कार्यबाहक सभापति खेमराज चौधरी, गाउँपालिका अध्यक्ष राजसमझ चौधरी, उपाध्यक्ष भववती कुमारी चौधरी, तरुण दलके केन्द्रीय सदस्य अविनाश चौधरी, समानुपातिक उम्मेदवार रिता चौधरी लगायत स्थानीय तहके नेता तथा कार्यकर्ताके उल्लेखनीय सहभागिता रहे । कार्यक्रममे बोल्टी जिल्ला कार्यबाहक सभापति खेमराज चौधरी नेपाली कांग्रेस बाहेर डेखाइल जैसिन कमजोर नैरहल ओ पार्टी एकताबद्ध हुके आउर बलगर रूपमे आघे बह्रल बटैलै ।

ओस्टेक, प्रत्यासी उम्मेदवार भिम बडुवाल अपने विगतसे यी क्षेत्रके भूगोल ओ समुदायसँग जोरल सामाजिक काम करटी आइल उल्लेख करटी थारु समुदायसँग गहिर सम्बन्ध रह बटैलै । उहाँ यी क्षेत्र पाछे परल कहटी शिक्षा, स्वास्थ्य ओ समग्र विकासके लाग दृढतापूर्वक काम कैना प्रतिबद्धता व्यक्त करलै ।

“मै यी क्षेत्रके विकास ओ निकासके लाग उम्मेदवार बनल हुँ । रुख चिन्हमे मतदान करके विजयी करैलेसे, यी क्षेत्रके लाग अघिल्का प्रतिनिधिसे आउर प्रभावकारी रूपमे काम करम” बडुवाल कहलै ।

कार्यक्रममे सयौँके संख्यामे कांग्रेस नेता तथा कार्यकर्ताके उपस्थिति रहे ।