रेशम चौधरीके उम्मेदवारी खारेजी विरुद्धके रिटमे फाइल पेस कैना आदेश

पहुरा समाचारदाता
काठमाडौँ, १५ माघ । नागरिक उन्मुक्ति पार्टी नेपालके संरक्षक रेशमलाल चौधरीके उम्मेदवार खारेजी विरुद्धके रिटमे सर्वोच्च अदालतसे यी आघेक फाइल पूर्वादेशअनुसार कार्य सम्पन्न करके पेस कैना आदेश डेहल बा ।

चौधरीके रिट न्यायाधीशद्वय बालकृष्ण ढकाल ओ नृपध्वज निरौलाके संयुक्त इजलाससे यी आघेक कर्तव्य ज्यान मुद्दासँग जोरल फैसलाके फाइल पूर्वआदेश अनुसार पेस कैना आदेश डेहल बा ।

यी आघे न्यायाधीश बालकृष्ण ढकालके एकल इजलाससे चौधरी दायर करल रिटमे निर्वाचन आयोगसँग लिखित जवाफ मग्ना आदेश डेहल रहे । साथे अन्तरिम आदेशके विषयमे छलफलके लाग दुनु पक्षहे उपस्थित बोलाइल रहे ।

ढकालके इजलाससे शारदा कडायतसे चौधरीहे डेहल आममाफी विरुद्ध डेहल रिट फाइल ओ निर्वाचन आयोगसे करल निर्णयके प्रमाणित प्रतिलिपि झिकैना आदेश डेहल रहे । आगामी फागुन २१ गते हुइना प्रतिनिधिसभा सदस्यके निर्वाचनके लाग कैलाली क्षेत्र नम्बर १ से मनोनयन पत्र दर्ता करल उहाँक उम्मेदवारी निर्वाचन आयोगसे खारेज करडेहल रहे ।