जनजागृति सामुदायिक वनके १०औं वार्षिक साधारण सभा
पहुरा समाचारदाता
पहलमानपुर, १९ माघ । कैलालीके घोडाघोडी नगरपालिका वडा नम्बर १० झिरोखामे रहल जनजागृति सामुदायिक वन उपभोक्ता समुहके १०औं वार्षिक साधारण सभा तथा सार्वजनिक सुनुवाई कार्यक्रम सम्पन्न हुइल बा ।
समुहके अध्यक्ष आशाराम चौधरीके अध्यक्षतामे हुइल कार्यक्रममे बरका पहुना सिएफसिसि पहलमानपुरके अध्यक्ष पुष्काल बहादुर बम रहल रहिट । उहाँ एक ठो गाउँमे दुई ठो साम्ुदायिक वन बा कलेसे मजा करेसेक्ना व्यवस्था रहल मने एक व्यक्ती दुई सामुदायिक वनके उपभोक्ता सदस्य बने नैमिल्न बटैलै ।
खास पहुना सब डिभिजन वन कार्यालय सुखडके वन रक्षक जुगराम चौधरी सामुदायिक वनमे काठ काटे पैलेसे केल्ह साधारण सभा कैना बानीके सुधार कैना बटैलै ।
कार्यक्रममे वडा नम्बर १० के कार्यवाहक वडा अध्यक्ष जालुराम चौधरी यूवाहुकनहे लागु औषधके कुलटसे बचाइक लाग सक्कु जाने लागे पर्ना बटैलै ।
शिव मन्दिर व्यवस्थापन समितिके अध्यक्ष टेकराज भण्डारी, पहलमानपुर खानेपानी तथा सरसफाई समितिके अध्यक्ष डम्बरबहादुर सिंह, पत्रकार पहुरा समाचारदाता जीवन चौधरीलगागत मन्तव्य राखल रहिट ।
ओस्टेक करके अपाङता रहल व्यक्तिनहे खाद्यन्न सहयोग करल बा ।
लेखा समिति संयोजक क्षेम विष्ट १७ लाख ६४ हजार ३२० रुप्या बराबरके आय व्यय प्रस्तुत करल रहिट । स्वागत मन्तव्य कार्यालय सचिव गोमादेवी साउद करल रहिट ।
