धनगढी १९ के पच्चीस घर ओ आइगाउँमे रोप लाइट उद्घाटन

पहुरा समाचारदाता
धनगढी १८ कार्तिक । धनगढी उपमहानगरपालिका वडा नम्बर १९ के पच्चीस घर ओ आइगाउँमे रोप लाइट जडान करल बा ।
सडक क्षेत्रमे जडान करल रोप लाइटके वडा नम्बर १९ के वडा अध्यक्ष बाधुराम चौधरी उद्घाटन करल हुइट ।
सडकहे ओजरार बनैनाके साथे रातिके समयमे आवागमन सहज बनैना ओ सहरी सौन्दर्य अभिवृद्धि कैना उद्देश्यले रोप लाइट जडान करल हो।
रोप लाइट सञ्चालनमे आइ सगे १९ के पच्चीस घर ओ आइगाउँके रात्रिकालीन दृश्य थप आकर्षक बन्ना साथै स्थानीय बासिन्दा तथा यात्रुहेआवागमनमे सहजता हुइना अपेक्षा करल बा।
धनगढी उपमहानगरपालिकासे नगरके टमान क्षेत्रमे ओजरार विस्तार करति सडक तथा सार्वजनिक क्षेत्रहे थप आकर्षक, सुरक्षित ओ व्यवस्थित बनैना कार्यहे निरन्तरता डेटी आइल बा। इ ओजरार धनगढी कार्यक्रमहे उपमहानगरपालिकासे एक वडा एक आर्थीक केन्द्रसँग फे जोरले बा ।