दैलो ट्राभल्स् दैलो चार्जिङ स्टेशन सञ्चालन
पहुरा समाचारदाता
धनगढी, २७ माघ । दैलो ट्राभल्स् प्रालिके चार्जिङ स्टेशन एक कार्यक्रमके बीच उद्घाटन करल बा ।
प्रालिसे धनगढी उपमहानगरपालिका–७ जेपी चौकमे चार्जिङ स्टेशन सञ्चालनमे लन्ले बा । इभी गाडी चार्जिङहे मध्यनजर कैके चार्जिङ स्टेशन सञ्चालनमे लानल प्रालि जनैले बा ।
चार्जिङ स्टेशनमे CCS2 ओ GBT इभी गाडी चार्ज करे सेकजैना प्रालि जनैले बा । विगत एक बरससे प्रालिसे कैलाली ओ कञ्चनपुरके यात्रुहे नेपालगन्जसमके यात्राके लाग ईलेक्ट्रिक माईक्रो बस नियामित सञ्चालनमे लन्ले बा ।
कञ्चनपुरके बेलौरी ओ धनगढीसे हुलाकी राजमार्ग हुइटी हसुलिया, भजनी, टीकापुर राजापुर हुइटी नेपालगन्जसमके सहज यात्रा दैलोके १५ ईलेक्ट्रिक माईक्रो बस नियामित सञ्चालन रहल बा । साथे यात्रुहे सहजरुपसे सुविधा डेहक लाग ठाउँ/ठाउँमे टिकट काउन्टर समेत स्थापना हुइल बा ।
धनगढी उपमहानगरपालिका ८ क्याम्पस रोड गुरही चौकमे दैलोके मुख्य टिकट काउन्टर रहल बा कलेसे जेपी चौकमे प्रधान कार्यालय रहल बा ।
