खप्तड एकेडेमीके १४औं वार्षिकोत्सव
पहुरा समाचारदाता
धनगढी, ८ फागुन । धनगढी उपमहानगरपालिका वडा नम्बर ५ जाँइ स्थित खप्तड एकेडेमीके १४औं वार्षिकोत्सव सम्पन्न हुइल बा ।
एकेडेमीके प्राधानाध्यापक प्रतिमा ओझाके घरगोसियाइमे हुइल कार्यक्रमके बर्का पहुना जिल्ला जनस्वास्थ्य प्रमुख रमेश कुँवर रहल रहिट । उहाँ पानसमे बत्ती बारके कार्यक्रमके उद्घाटन करल रहिट । ओस्टके उहाँ कार्यक्रमहे सम्बोधन कैटी एकेडेमी गुणस्तरीय ओ समय सान्दर्भिक शिक्षा डेटी रहल बटाइल रहिट ।
उहे बिच एकेडेमीसे वार्षिकोत्सवके अवसरमे आयोजित टमान मेरिक प्रतियोगितामे पहिल, डुसर ओ टिसर हुइल विद्यार्थीहे प्रमाणपत्र, मेडलसे पुरस्कृत करल रहे । ओस्टके कार्यक्रममे आमान्त्रित पहुनाहे मायाको चिनो फेन डेहल रहे ।
कार्यक्रमके सञ्चालन नारद ढुंगाना ओ तिर्थराज पन्त करल रहिट । कार्यक्रममे समाजसेवी, वुद्धिजीवी, शिक्षाप्रेमी, अभिभावक, विद्यार्थी लगायतके उपस्थिति रहल रहे ।
