युनिक लघुबित्तके सातौं वार्षिक साधारण सभा सम्पन्न
निर्मल राजा
नेपालगंज, १४ फागुन । युनिक नेपाल लघुबित्त बित्तीय संस्था लि.के सातौं वार्षिक साधारण सभा बुधके रोज कोहलपुरमे सम्पन्न हुइल बा ।
वित्तीय संस्थाके सञ्चालक समिति अध्यक्ष शिबबहादुर चौधरीके अध्यक्षतामे सम्पन्न साधारण सभामे अध्यक्ष चौधरी आ.व. २०८१÷८२ के वार्षिक प्रतिवेदन पेश करल रहिट ।
सातौं वार्षिक साधारण सभासे आ.व.२०८१÷८२ के वार्षिक प्रतिवेदन, लेखापरीक्षकके प्रतिवेदन सहितके २०८१÷८२ के वासलात, नाफा नोक्सान हिसाब, नगद प्रवाह विवरण सहित सम्बन्धित अनुसूची लगायतके वित्तीय विवरण सम्बन्धी प्रस्ताव सर्वसम्मतिसे पारित करले बा ।
ओस्टेक करके अइना वर्ष २०८२÷०८३ के लाग लेखापरीक्षकके नियुक्ति, सञ्चालक समितिले सर्बसाधारण शेयरधनीके ओरसे प्रतिनिधित्व कैना एक जाने सञ्चालक मनोनयन करल अनुमोदन, वित्तीय संस्थाके नियमावली, २०७५ के नियम २९ के व्यवस्था अनुसार सञ्चालक समितिसे स्वतन्त्र सञ्चालकमे मनोनयन करल अनुमोदनकण्े प्रस्ताव सर्वसम्मतिसे पारित हुइल बा । साथे संस्थासे भविष्यमे कौनो उपयुक्त लघुवित्त वित्तीय संस्थासँग एक आपसमे गभ्न÷गाभिन तथा प्राप्ती÷समाहित कैना कार्यके लाग सञ्चालक समितिहे अख्तियारी प्रदान समेत करले बा ।
साधारण सभामे ६३.०६ प्रतिशत शेयर सदस्यके उपस्थिति रहल रहे । ६ जिल्लामे कार्यक्षेत्र रहल युनिक नेपाल लघुबित्त बित्तीय संस्था लि. के चुक्ता पुँजी रु.१४ करोड ८५ लाख ७५ हजार रहल बा ।
४१ शाखा रहल युनिक नेपाल लघुबित्त बित्तीय संस्था लि.मे हाल सम ८१ हजार ८०० सय सदस्य रहल बटै ।
साधारण सभामे सेयर सदस्यसे धारल जिज्ञाशाके बारेमे संस्थाके अध्यक्ष शिबबहादुर चौधरी, निवर्तमान कार्यकारी प्रमुख डा. गोपाल दहित, कायम मुकायम कार्यकारी प्रमुख हिरा बहादुर आले प्रष्ट पारल रहिट । सभामे शेयर धनीहुक्रे मिनराज चौधरी, डम्बर बहादुर शाह, कृष्ण बहादुर कुँवर, किरन थारु ओ राज कुमार चौधरी लगायत जिज्ञासा राखल रहिट ।
