निःशुल्क एकिकृत महिला स्वास्थ्य शिविर

पहुरा समाचारदाता
धनगढी, १६ चैत । कैलालीके धनगढी उपमहानगरपालिका वडा नम्बर १९ के स्वास्थ्य केन्द्रमे सोम्मारके रोज हुइल निःशुल्क एकिकृत महिला स्वास्थ्य शिविर सम्पन्न हुइल बा ।

धनगढी उपमहानगरपालिकाके आयोजनामे ओरेकसँगके सहकार्यमे हुइल निःशुल्क एकिकृत महिला स्वास्थ्य शिविरमे २१८ जाने टमान मेरिक सेवा लेले बटै । जेम्ने १७७ जाने महिला डाक्टरसे ओपिडी जाँच ओ समस्या अनुसारके निःशुल्क औषधी उपलब्ध कराइल रहे ।

ओपिडी जाँच जाँच करेबेर ८० प्रतिशत महिलामे पीआइडी, ३ जनहनमे स्तन क्यान्सरके लक्षण डेखल रहे । शिविरपाछे आवश्यकताके आधारमे सम्बन्धित निकायमे थप उपचारके लाग सिफारिस करल बा ।

१८० जानेक एचपीभी डिएनए जाँचके लाग स्वाब संकलन ओ १६५ जनहनसंग सयपत्री बाटचित करके यौन तथा प्रजनन स्वास्थ्य समस्याके कारण पत्ता लगाके अइना योजनाके लाग आधार तयार करल बा । साथे उ शिविरमे टमान बिषयमे अभिमुखीकरण ओ सचेतना मुलक पर्चा पम्प्लेट वितरण करल ओरेक कैलालीके जिल्ला संयोजक गीता चौधरी जनैली ।