सुदूरपश्चिममे २-टन क्षमताके ‘बोलेरो म्याक्स पिक-अप’ सार्वजनिक

पहुरा समाचारदाता
धनगढी, २३ चैत । महिन्द्रासे सुदूरपश्चिमके धनगढीमे २-टन भार क्षमताके नयाँ ‘बोलेरो म्याक्स पिक-अप’ सार्वजनिक करले बा। नेपालके लाग आधिकारिक वितरक अग्नि इन्कर्पोरेटेड प्रा.लि.से सोमबार धनगढी स्थित ठाकुर मोटर्स प्रालि महिन्द्र शोरुममे एक विशेष कार्यक्रममे गाडी सार्वजनिक करल हो।

नयाँ पिक-अप ‘HD 1.7 LX’ ओ ‘HD 2.0L SXi’ करक्र दुई भेरियनमे उपलब्ध हुइमा बा। HD 1.7 LX के मूल्य २९ लाख १५ हजार रुपैयाँसे सुरु बा कलेसेHD 2.0L SXi के मूल्य ३२ लाख १५ हजार रुपैयाँसे सुरु हुइमा कम्पनी जनैले बा।

कम्पनीके अनुसार, बलगर बनावट, उच्च लोड क्षमता ओ सहज ड्राइभिङ अनुभवका कारण यो पिक-अप नेपाली बजारसे छोट कमर्सियल प्रयोगके लाग उपयुक्त हुइना बा। ग्रामीण तथा दुर्गम सडकहे ध्यानमे राखके डिजाइन करल इ गाडीसे कृषि, निर्माण तथा ढुवानी क्षेत्रमे विशेष उपयोगिता देना विश्वास करल बा।

HD 2.0L भेरियन्टमे १० फिट लम्मा कार्गो बेड ओ २-टन क्षमता रहल बा कलेसे HD 1.7 मे १.७ टन क्षमता ओ ९ फिट कार्गो विकल्प उपलब्ध बा । दुनु मोडेलमे उन्नत m2Di इन्जिन ओ मजबुत च्यासिस संरचना प्रयोग करल बा।

महिन्द्रासे इ पिक-अपमार्फत नेपाली कमर्सियल सवारी बजारमे अपन पकड अझ मजबुत बनैना लक्ष्य लेहल जनाइल बा।