कैलारी गाउँपालिकासे नयाँ प्रमुख प्रशासकीय अधिकृत धामीहे स्वागत तथा सम्मान

पहुरा समाचारदाता
धनगढी, ७ बैशाख । कैलारी गाउँ पालिकामे आइल नयाँ प्रमुख प्रशासकीय अधिकृत दल बहादुर धामीहे स्वागत तथा खादासहित सम्मान कैगिल बा ।

सोम्मारके रोज गाउँपालिका अध्यक्ष राजसमझ चौधरी, गाउँपालिका उपाध्यक्ष भगवती कुमारी चौधरीलगायत वडा अध्यक्षहुक्रे, जनप्रतिनिधिहुक्रे,गाउँपालोकाके विषयगत शाखाके प्रमुख तथा कर्मचारी हुक्रे नयाँ आइल प्रमुख प्रशासकीय अधिकृत धामीहे स्वागत करल रहिट । सम्मान तथा स्वागत कार्यक्रममे प्रमुख प्रशासकीय अधिकृत धामी सक्कु जानेक सह्कार्य कर्के जाइ पर्ना बटैलै ।

गाउँपालिका अध्यक्ष राज समझ चौधरी कर्मचारीहुकन नियम पालन ओ सेवाग्राहीहुकन सहज रुपमे सेवा प्रदान निर्देशन डेलै । कैलारी गाउँपालिका भारतिथ सीमासे जोरल ओरसे लागु औषधके दुर्व्यशनीके समस्य रहल बटैलै ।