एसईईके नतिजा सार्वजनिक
असार १ से ९ गतेसम पुरक परीक्षा सञ्चालन कैना ओ पुनर्योगके समय १ जेठसे ७ गतेसम
पहुरा समाचारदाता
धनगढी, २९ बैशाख । राष्ट्रिय परीक्षा बोर्डसे २०८२ सालके माध्यमिक शिक्षा परीक्षा (एसईई) के नतिजा सार्वजनिक करले बा ।
सोम्मर सार्वजनिक करल नतिजामे ६५.९८ प्रतिशत विद्यार्थी ग्रेडेड हुइल बटै । यी नतिजा गैल वर्षसे ४.१७ प्रतिशतसे बह्रल हो ।
२०८१ मे ६१.८१ प्रतिशत विद्यार्थी ग्रेडड हुइल रहिट । यी वर्ष परीक्षामे सबसे ढेर जीपीए (३.६० से ४.००) ल्यन्ना विद्यार्थीके संख्या ४८ हजार ३ सय ९२ बा । ४ लाख ३० हजार ६६७ विद्यार्थीमध्ये सबसे ढेर ३.६० से ४.०० जीपीए ल्यनुइयाके बा ।
जीपीए ३.२० से ३.६० सम ल्यन्ना विद्यार्थीके संख्या ८० हजार ३७२ रहल बा । २.८० से ३.२० समके जीपीए ल्यन्ना विद्यार्थीके संख्या ९४ हजार २२२ रहल बा । ५५ हजार ९७७ विद्यार्थी यी वर्ष २.४० से २.८० जीपीए ल्यन्ले बटै । जीपीए २.०० से २.४० सम ल्यन्ना विद्यार्थीके संख्या ५ हजार १९० रहल बा । १.६० से २.०० जीपीए ल्यन्ना विद्यार्थीके संख्या ७ जाने रहल बोर्ड जनैले बा ।
प्रदेश अनुसार, यी वर्ष वर्गीकृत विद्यार्थी कोशीेमे ५० हजार ८९०, मधेशमे ४४ हजार ५९२, बागमतीमे ७७ हजार ११३, गण्डकीमे २६ हजार ५५०, लुम्बिनी ४४ हजार २५६, कर्णाली १९ हजार ९५ ओ सुदूरमपश्चिमे २१ हजार ६६४ बटै ।
बोर्डसे अनुत्तीर्ण हुइल विद्यार्थीके लाग पुरक परीक्षाके फे मिति तोक्ले बा । असार १ से ९ गतेसमके लाग पुरक परीक्षाके समय तोकल बा ।
परीक्षामे १ लाख ४६ हजार ५०७ विद्यार्थी नन ग्रेडेड (अवर्गीकृत) हुइल बटै । मधेश प्रदेशके ३१ हजार ७२५ विद्यार्थी नन् ग्रेडेड (अवर्गीकृत) हुइल बटै । यी प्रदेशसे ७६ हजार ३१७ विद्यार्थी सहभागी रहिट ।
नतिजा अनुसार नन् ग्रेडेड हुइल विद्यार्थी कोशीमे २१ हजार ३६६, बागमतीेमे २१ हजार ७०४ ओ गण्डकीमे ९ हजार ९४३ बटै । ओस्टे, लुम्बिनीके २७ हजार ८९३, कर्णालीके १३ हजार २४१ ओ सुदूरपश्चिमके २० हजार ६३५ विद्यार्थी नन् ग्रेडेड हुइल बटै ।
नतिजामे चित्त नैबुझलेसे पुनर्योेगके लागफे बोर्डसे समय डेहल बा । १ जेठसे ७ गतेसमके लाग पुनर्योेगके सयम डेहल बा । केक्रो त्रुटि हुइलेसे सच्यइना बोर्ड जनैले बा ।
