कैलारीमे कुकुर बन्ध्यकरण शिविर

पहुरा समाचारदाता
धनगढी, १४ असार । कैलाली जिल्लाके कैलारी गाउँपालिकामे कुकुर बन्ध्याकरण शिविर सम्पन्न हुइल बा ।

कैलारी गाउँपालिका पशु शाखाके आयोजनामे हुइल कुकुर बन्ध्याकरण शिविरमे ७५ ठो सामुदायिक कुकरीनके बन्ध्याकरण कैगिल पशु शाखा प्रमुख सूर्य प्रसाद चौधरी जानकारी डेलै । कुकरीनके अनाधिकृत प्रजननहे रोकेक लाग घरे पालल बाहेक कुकरिनके बन्ध्याकरण करल उहाँ जनैलै ।

कैलारी गाउँपालिका वडा नम्बर १, ४, ५ ओ ७ नम्बर कुकरिनके बन्ध्याकरण कैगिल उहाँ जनैलै । उ शिविरमे डा. विशाल, डा. रविना भण्डारी, डा. दिनेश चौलागाई, कैलारी गाउँपालिका पशु शाखाके डा. राजन चौधरी, सहायक दिपेन्द्र चौधरी, अरविन्द चौधरीलगायतके टिम कुकरीनके बन्ध्याकरण करल रहिट ।