कैलारी गाउँपालिकाके सार्वजनिक सुनुवाई कार्यक्रम सम्पन्न

पहुरा समाचारदाता
धनगढी, १७ असार । कैलाली गाउँपालिकाके आर्थिक बर्ष २०८२/०८३ के प्रथम ओ चौमासिक अवधिमे हुइल विकास निर्माण, सार्वजनिक सेवा प्रवाहलगायत विषयमे सार्वजानिक सुनुवाई कार्यत्र mम बुधके रोज सम्पन्न हुइल बा ।

कैलारी गाउँपालिकाके आयोजना तथा सुदूरपश्चिम प्रदेश अनुसन्धान तथा प्रशिक्षण प्रतिष्ठान पुन्ना डोटीके सहकार्यमे गाउँपालिकामे हुइल कामके प्रभावकारी समिक्षा एवम गाउँपालिकावासीहुकनके जिज्ञासा, गुनासोके सम्बन्धमे सुझाव लेहक लाग सार्वजानिक सुनुवाई कार्यत्र mम हुइल हो ।

गाउँपालिकाके प्रमुख प्रशासकीय अधिकृत दलबहादुर धामी आर्थिक बर्ष २०८२/०८३ के प्रगती विवरण प्रस्तुत करटी कुल बजेटके ७०.८९ प्रतिशत खर्च हुइल ओ हुइल कामके फर्छौट हुइटी रहल जनैलै । उहाँ गाउँपालिकासे चालु आर्थिक बर्षमे हुइल प्रगती विवरणबारे जानकारी डेटी आमबासीके आपेक्ष ढेर रहल मने सीमित स्रोतके कारण जनआपेक्ष अनुसार विकासके गतिविधि बह्राई नैसेकल बटैलै । गाउँपालिकासे कर्मचारी ओ जनप्रतिनिधिविच समन्वय करके आघे बह्रल जानकारी डेलै । उहाँ अइना आर्थिक बर्षके योजना छनौट बस्तीस्तरसे करल जनैलै ।

गाउँपालिका अध्यक्ष राजसमझ चौधरी गाउँपालिकासे किसानके समस्या बुझटी जग्गा करमे छुट, यिहीसे आघेक बरष मलके परिपुर्तिमे ध्यान डेहल, स्वास्थ्य, शिक्षा, खानेपानीमे ध्यान डेहे आघे बह्रल बटैलै । उहाँ सुत्केरी महिलाहुकनके लाग निशुल्क एम्बुलेन्स, सेवा, निशुल्क रगतके व्यवस्था, करल सडक स्तरोन्नती, कालोपत्रे, शैक्षिक सु्धार योजना, १५ शैया अस्पताल निर्माण करल बटैलै । उहाँ कहलै, गाउँपालिकाके सीमित स्रोत साधानके कारण पालिकासे बजेटसे १५ शैया अस्पताल संचालनमे ल्याने नैसेकल मने प्रदेश ओ संघसे समन्वय करके आघे बह्रल बटैलै । उहाँ सुर्मी नाला बढैपुर सडक कालोपत्रेके लाग पालिकासे बारम्बर आवाज उठाइल, उ निर्माणके लाग संघसे जिम्मा लेहल कारण पालिकासे आवाज उठैनाबाहेक कुछ नैसेकल बटैलै ।

प्रश्नके जवाफ डेटी गाउँपालिका अध्यक्ष अपने निर्वाचनमे करल वाचा अनुसारके करिब ८० प्रतिशत काम करसेकल बटैटी बाँकी २० प्रतिशत काम अइना आर्थिक वर्षभिटर पूरा कैना लक्ष्य रहल जनैलै । उहाँ संघ ओ प्रदेश सरकारसँग समन्वय करके सडक निर्माण, शिक्षा, कृषि, सिँचाइ ओ नदी कटान नियन्त्रण लगायतके योजनामे समन्वय हुइटी रहल बटैलै ।

ओस्टेक कैलारी गाउँपालिकाके नेकपा एमालेके नेता गोरबहादुर बिकसे अन्य विकास हु्इलेसेफे वडा नम्बर ६ मे डगर, पुल, हसुलिया हुइटी बढैपुर जैना डगर निर्माणमे जोड डेना करल प्रश्नके उत्तर डेटी पालिका अध्यक्ष चौधरी स्थानीय बजेटसे सम्भव नैरहल कारण संघ ओ प्रदेश सरकारसंग समन्वय हुइटी रहल बटैलै । टमान प्रश्नके जवाफ डेटी अध्यक्ष चौधरी स्थानीय इच्छा आकांक्षा ढेर हुइल मने बजेट कम हुइल कारण भारी योजना कार्यान्वयन करे नैसेकलफे बटैलै । उहाँ किसानहे लक्षित काम भर पालिकामे ढेर हुइल उल्लेख करलै ।

कार्यक्रममे गाउँपालिका उपाध्यक्ष तथा न्यायीक समिति संयोजक भगवती कुमारी चौधरीसे समस्यामे परके पालिकामे न्याय मागे आइल सक्कु न्याय पैना करल बटैली । योजना अनुगमन ओ सुशासनके समेत अपन भूमिका रहल बटैटी उपाध्यक्ष चौधरी भूमिका अनुसार अपने गाउँपालिकामे क्रियाशील रहल उहाँक कहाई बा । विकास निर्माणके काममे ढिलासुस्ती, गुणस्तरहीन कार्यहे अपने निरुत्साहित करटी आइल समेत उपाध्यक्ष चौधरी बटैली ।

कार्यक्रमके सहभागी झनक खनालसे सार्वजनिक सुनुवाईमे सूचना प्रवाह नैहुइल गुनासो पोख्टी रहेबेर गाउँपालिकाके प्रमुख प्रशासकीय अधिकृत दलबहादुर धामी पालिकाके आधिकारिक बेभसाइट ओ सूचनापाटी, वडाअध्यक्ष, जनप्रतिनिधिमार्फत सूचना प्रवाह करल बटैलै । पालिका सुशासन, पारदर्शीता ओ जनमैत्री ढंगसे आघे बह्रल बटैलै । कार्यक्रममे रास्पाके पालिका अध्यक्ष रेबन्त बोहरा ओ जिल्ला उपाध्यक्ष लखन चौधरी सार्वजनिक सनुवाई कार्यक्रम जनसहभागिताके कम रहल ओरसे उपस्थिति काहे बह्रे नैसेकल गुनासो करल रहिट । ओस्टेक करके सरिता चौधरी स्वास्थ्य क्षेत्रमे ध्यान डेहेपर्ना ओ रामबहादुर विक खानेपानी समस्या बह्रल कहटी ओहोर ओर ध्यान जाई पर्ना सुझाव डेहल रहिट ।

कार्यक्रममे वडा नम्बर १ से ९ समके वडाअध्यक्षहुक्रे, कार्यालयके विषयगत शाखाके प्रमुख, कार्यपालिका सदस्य, राजनीतिक दल, नागरिक समाज, शिक्षक, वुद्धिजिवी, सुरक्षाकर्मी, सर्वसाधारणलगायत एक सय १८ जानेक सहभागिता रहल रहे ।