एउटा अल्बाट्रसको गृह विमोचन ओ परिसंवाद सम्पन्न
पहुरा समाचारदाता
कोहलपुर २१ असार । हाम्रो पूर्णिमा साहित्य प्रतिष्ठानको आयोजनामे कोहलपुरमे विशेष समारोहमाझ साहित्यकार सागर गैरेके नियात्रा कृति एउटा अल्बाट्रसको गृह विमोचन हुएइल बा । कृतिको गृह विमोचन पूर्णिमाके अध्यक्ष डा। पुष्कर रिजाल, प्राज्ञ महानन्द ढकाल, साहित्यकार भरत रानाभाट, कवि बीपी अस्तु ओ कृतिकारके गोसिनिया यसोदा गैरे संयुक्त रूपमे बिमोचन करल रहिट ।
लुम्बिनी वाङ्मय प्रतिष्ठानके अध्यक्ष साहित्यकार भरत रानाभाटसे कृतिउप्पर समीक्षात्मक मन्तव्य डेटी गैरेके नियात्रामे अनुभूतिके तीव्रता एवम् यथार्थ ओ कल्पनाके सुन्दर संयोजन पैना बटैलै । उहाँ गैरेसे पाठकहे घरमे बैठ बैठ संसार घुमल अनुभूति डेना उत्कृष्ट नियात्रा डेहल बटैलै ।
नम्मा आसनग्रहण ओ शुभकामना मन्तव्य नैराखल कार्यक्रमके दुसरा सत्रमे कवि तथा सञ्चारकर्मी बीपी अस्तुसे कृतिकार सागर गैरेसँग परिसंवाद करल रहित । परिसंवादके क्रममे गैरेसे आपन कृतिके विषयवस्तु, परिवेश ओ रचनागर्भबारे जानकारी डेलै। कृतिसँग जोडल ऐतिहासिक, सामाजिक तथा सांस्कृतिक पक्षके अनुभव सुनाइबेर स्रोताहुक्रे बहुत उत्सुक ओ भावुक समेत हुइल रहित । पुस्तक पढ्नके महत्त्वउप्पर प्रकाश परती गैरेसे सयौँ भिडियोसेफे पुस्तकके सक्कु विषय व्यक्त करे नैसेक्ना बटैलै ।उहाँ अपन यात्राके सुखद ओ दुःखद अनुभव फे सुनैलै। कार्यक्रमके अध्यक्ष डा। पुष्कर रिजालसे कार्यक्रमके अतिथिहे धन्यवाद व्यक्त कर्टी कोहलपुरके साहित्यिक विकासमे सागर गैरेके महत्त्वपूर्ण योगदान रहल उल्लेख कर्लै ।
कार्यक्रमे प्राज्ञ महानन्द ढकाल, साहित्यकार नरेन्द्रजङ्ग पिटर, इन्द्रबहादुर बस्नेत, खगेन्द्र गिरी कोपिला, सुमित्रा न्यौपाने, देवकी निरौला, एकराज शर्मा, विष्णु पादुका, नवीन अभिलाषी, कर्णबहादुर थापा, विष्णु बेलबासे, सनत सापकोटा लगायत आठ दर्जनजति साहित्यकार ओ सञ्चारकर्मीके उपस्थिति रहे । कवि लक्ष्मण मानवले स्वागत मन्तव्यसे सुरु हुइल कार्यक्रमको सञ्चालन संस्थाके सचिव केशव निमेष करल रहिट
