सवारी दुर्घटनामे एक जानेक मृत्यु, ठक्कर डेहुइया पक्राउ

पहुरा समाचारदाता
धनगढी, २२ असार । कैलाली धनगढी उ.म.न.पा.३ बोराडाडी चोक स्थित धनगढीसे अत्तरिया ओर जैटी रहल यु.पी. ६५ ई.एक्स. ०१०० नम्बरके भारतिय कारसे उहे दिशा ओर जैटी रहल से ४ प ९५२ नम्बरके मोटरसाईकलहे पाछेसे ठक्कर डेहे मोटसाइकलपाछे बैठुइयाके मृत्यु हुइल बा ।

मोटरसाइकल पाछे सवार जिल्ला बैतडी, सिगास गा.पा. १ बैठना बर्ष ४८ के पदम चन्द गम्भीर घाहिल हुके उपचारके लाग मायामेट्रो अस्पताल लैगिलमे उपचारके क्रममे अँटवार रात मृत्यु हुइल हो । मोटरसाइकल चालक धनगढी उ.म.न.पा.३ बोराडाडी बैठना बर्ष ४३ के गौतम ऐर सकुसल रहल बटै ।

गाडी ओ गाडी चालक देश भारत उत्तर प्रदेश वाराणसी बैठना बर्ष ४२ के अश्वनी कुमार सिंहहे प्रहरी नियन्त्रणमे लेके अनुसन्धान करटी रहल बा ।