कञ्चनपुरमे ७१ जाने फरार कैदीबन्दी पक्राउ

पहुरा समाचारदाता
कञ्चनपुर, २५ असार । कञ्चनपुर प्रहरीसे अदालतके फैसला कार्यान्वयनहे तीव्रता देहल बा ।

अदालतसे कैद सजायके साथे जरिवाना तोकल फरार रहल टमान मुद्दाके फरार अभियुक्तहुकनहे पक्राउ कैना प्रहरीसे जिल्लाभर विशेष सक्रियता बह्रल हो । जिल्ला प्रहरी कार्यालय कञ्चनपुरके प्रवक्ता प्रहरी नायब उपरीक्षक टेकबहादुर रावतसे गैल वैशाख उहे हालसम ७१ जाने फरार अभियुक्तहे पक्राउ करके अदालत पेश करल जानकारी देलै ।

जिल्ला प्रहरी कार्यालयके अनुसार उहाँ गैल वैशाखमे ३४ जना, जेठमे १४ ओ असारके हालसम २३ जाने फरार अभियुक्त पक्राउ परल बटै ।
“ज्यान मर्ना उद्योग, कर्तव्य ज्यानसे लागुऔषध मुद्दाके फरार अभियुक्त पक्राउ कैना क्रम निरन्तर बा”, प्रवक्ता रावतसे मने, “कैद सजाय तोकल अभियुक्तहे अदालत हुइटी कारागार चलान करटी रहल बटै ।” फरार अभियुक्त पक्राउ कैना सादा पोसाकमे प्रहरी परिचालन हुइल बटै ।

“अदालतर ओ शासन कार्यालयसे फरार अभियुक्तहे लिष्ट माग्के हम्रे खोजी कार्यमे जुटल बटी”, उहाँ कहलै, “अपराध करके फरार रहलफे कारबाहीके दायरामे ल्यन्ना प्रहरी सक्रिय रहल बा ।”