जुवातास खेल्टी रहल अवस्थामे ६ जाने पक्राउ

पहुरा समाचारदाता
कञ्चनपुर, २५ असार । कञ्चनपुरके भीमदत्त न.पा.३ ब्रह्मदेव चोक जिरो प्वाइन्ट लग्गे शुक्लाफाँटा न.पा.५ बैठना बर्ष २९ के सुरेन्द्र प्रसाद जोशीसे संचालन करल चिया नास्ता पसलसे जुवातास खेल्टी रहल ६ जाने पक्राउ परल बटै ।

जुवातास खेल्टी रहल बटै कना सूचनाके आधारमे वडा प्रहरी कार्यालय महेन्द्रनगर, कञ्चनपुरसे खटल प्रहरीसे सुरेन्द्र प्रसाद जोशी सहित ६ जनहनहे वुधके साँझ प्रहरीसे पक्राउ करले बा । ओइनहे नगद रु.२२ हजार ५९० ओ १ गड्डी तास सहित पक्राउ करल हो । यी सम्बन्धमे प्रहरीसे अनुसन्धान करटी रहल बा ।