लुम्बिनी प्रदेश सभासे थारू विधेयक सर्वसम्मत रूपमे पारित

पहुरा समाचारदाता
दाङ, २५ असार । लुम्बिनी प्रदेश सभासे ‘थारू समुदायके प्रथाजनित परम्पराके संरक्षण ओ प्रवर्धनसम्बन्धी विधेयक, २०८३’ सर्वसम्मत रूपमे पारित करल बा ।

बुधके रात बैठल प्रदेश सभाके आठौँ अधिवेशन अन्तर्गत १८ औँ बैठकमे सामाजिक विकासमन्त्री जन्मजय तिमिल्सिनासे विधेयक पारित करही कहटी प्रस्ताव प्रस्तुत करल बटै ।

सभामुख तुलाराम घर्तीमगरसे उक्त प्रस्ताव निर्णयार्थ प्रस्तुत करलपाछे विधेयक सर्वसम्मत रूपमे पारित हुइल घोषणा करल बटै । थारू समुदायके मौलिक परम्परा, संस्कृति ओ सामाजिक अभ्यासके संरक्षण ओ प्रवर्धनका लग कानुनी आधार तयार कैना उद्देश्यसे विधेयक पारित करल हो ।

विधेयकसे थारू समुदायमे परम्परागत रूपमे प्रचलित कविला गण संरचना, सङ्गठन, चालचलन, रीतिरिवाज, संस्कृति, सम्पदा, मटावाँ, बरघर ओ भलमन्सालगायतके मौलिक परम्पराके पहिचान, अभिलेखीकरण, संरक्षण, प्रवर्धन ओ पुस्तान्तरणके लग आवश्यक कानुनी व्यवस्था करल बा ।

प्रदेश सरकारसे इ विधेयकमार्फत थारू समुदायके मौलिक सांस्कृतिक सम्पदा, परम्परागत ज्ञान, सामाजिक संरचना ओ सांस्कृतिक अभ्यासके संरक्षण ओ प्रवर्धनमे टेवा पुग्ैना विश्वास लेहल बा ।