सुदूरपश्चिमके मुख्यमन्त्री शाह करलै एमालेके सक्कु मन्त्रीे बर्खास्त
पहुरा समाचारदाता
धनगढी, ३१ असार । सुदूरपश्चिमके मुख्यमन्त्री कमलबहादुर शाह एमालेके सक्कु (४) जाने मन्त्रीहुकन बर्खास्त करल बटै ।
एमालेके मन्त्रीहुकन भौतिक पूर्वाधार विकास मन्त्रीमे सुरेन्द्र पाल, भूमि व्यवस्था, कृषि ओ सहकारी मन्त्रीमे वीरबहादुर थापा, आन्तरिक मामिला ओ कानुनमन्त्री हीरा सार्की, भौतिक पूर्वाधार विकास राज्यमन्त् निर्मला साउदहे शाह बर्खास्त करल बटै ।
एकरआघे मुख्यमन्त्री शाहसे मुख्यमन्त्री ओ मन्त्रिपरिषद्के कार्यालयमे एमालेके मन्त्रीहुकन सामूहिक रूपमे बोलाके बजेटबारे पार्टीके आधिकारिक धारणा मागल रहे । शाह सरकारमे बैठना बजेटके विरोध करल उपयुक्त नैहुइल कहटी बजेट पारित कैना सहयोग कैना, सरकारहे बाहिरिन ओ समर्थन लौटना लेना विकल्प देहल रहे ।
एमालेके साथे नैपैना सूचना पाइल पाछे मुख्यमन्त्री शाह एमालेके मन्त्रीहुकनहे बर्खास्त करल बटै । असार १ गते कांग्रेस नेतृत्वके प्रदेश सरकारसे प्रस्तुत करल बजेटप्रति सत्ता साझेदार एमालसे सुरुसे असन्तुष्टि जनैटी आइल रहे । एमाले सांसदहुकनसे बजेटविरुद्ध खर्च कटौती प्रस्तावसमेत दर्ता करल पाछे विवाद बह्रल ।
