अवैध लागुऔषधसहित चार जाने नियन्त्रणमे

पहुरा समाचारदाता
धनगढी, ५ सावन । कैलाली ओ कञ्चनपुरके अलगअलग ठाउँसे अवैध लागु औषधसहित चार जाने पक्राउ परल बटै ।

कैलालीके टीकापुर न.पा.८ से अवैध लागूऔषध खैरो हेरोइन ७८० मिलिग्राम सहित २ जनहनहे प्रहरी पक्राउ करले बा । पक्राउ परुइयामे जिल्ला बर्दिया, राजापुर न.पा.१ बैठना बर्ष २२ के हिमाल चलैना ओ बर्ष २५ के राजेन्द्र रावत रहल बटै । इलाका प्रहरी कार्यालय टिकापुर, कैलालीसे खटल प्रहरी शंका लागके चेकजाँच करेबेर उ उ पदार्थ फेला पारके उ पदार्थ सहित पक्राउ करल हो ।

ओस्टेक कञ्चनपुर बेलौरी न.पा.१० सडकघाटसे अवैध लागुऔषध खैरोहेरोइन जैसिन विल्गैना पदार्थ १ ग्राम ५५० मिलिग्राम सहित २ जनहनहे प्रहरी पक्राउ करले बा ।

पक्राउ परइयामे डोटीके बडिकेदार गा.पा.४ बैठना बर्ष ३० के बसन्त मौनी ओ उहे गा.पा.१ बैठना बर्ष के २८ सुदिप बम रहल बटै । इलाका प्रहरी कार्यालय बेलडाँडी, कञ्चनपुरसे खटल प्रहरी सु.प.प्र. ०१० प ९०७६ नम्बरके मोटरसाइकलमे सवार ओइनहे शंका लागके चेकजाँच करेबेर उ पदार्थ फेला पारके उ पदार्थ, मोटरसाइकल सहित पक्राउ करल हो ।