पत्रकार अविनाश चौधरी फोनिज राष्ट्रिय पत्रकारिता पुरस्कारसे सम्मानित
पहुरा समाचारदाता
धनगढी, २७ सावन । पत्रकार अविनाश चौधरी फोनिज राष्ट्रिय पत्रकारिता पुरस्कारसे सम्मानित हुइल बटै ।
नेपाल आदिवासी जनजाति पत्रकार महासंघ (फोनिज)के २७औं स्थापना दिवसमे “मातृभाषा पत्रकारिता भाषा संरक्षण, सांस्कृतिक अधिकार र दिगो भविष्य“ कना मूल नाराके साथ आयोजना करल “टिसरा अन्तर्राष्ट्रिय मातृभाषा पत्रकारिता सम्मेलन २०२६ के अवसरमे उहाँहे फोनिज अवार्ड प्रदान करल हो ।
२०८३ सावन २३ गते सम्पन्न फोनिज संघीय समितिके बैठकसे गठन करल सम्मान तथा पुरस्कार छनौट सिफारिस समितिसे सिफारिससे उहाँ लगायत ६ जनहनहे फोनिज अवार्ड प्रदान कैना निर्णय करल रहे ।
पत्रकार अविनाश चौधरी विगत डेढ दशक ढेर बरससे सक्रिया पत्रकारिता करटी आइल बटै । उहाँ कैलाली जिल्लाके फोनिजके अध्यक्ष समेट हुसेकल बटै ।
ओस्टेक करके उहाँलगायत और जाने सम्मानित हुइलमे डण्ड गुरुङहे फोनिज राष्ट्रिय पत्रकारिता सम्मान, बिमला तुम्खेवाहे फोनिज राष्ट्रिय पत्रकारिता सम्मान, लहना–नेपाल भाषा साप्ताहिकहे फोनिज राष्ट्रिय मातृभाषा पत्रकारिता सम्मान, तिर्थमान बलहे फोनिज राष्ट्रिय पत्रकारिता पुरस्कार ओ सरिता श्रेष्ठहे फोनिज राष्ट्रिय पत्रकारिता पुरस्कार प्रदान करल बा ।
