अवैध लागूऔषध सहित तीन जाने पक्राउ
पहुरा समाचारदाता
धनगढी २७ सावन । जिल्ला कैलाली धनगढी उ.म.न.पा.७ जे.पी.चोक स्थितसे अवैध लागूऔषध खैरौ हेरोइन जस्ते देखल धुलो पदार्थ १२ ग्राम ७ सय १० मिलिग्राम सहित २ जाने मंगर बेलुका प्रहरी पक्राउ करले बा ।
पक्राउ परलमे कैलाली जोशीपुर गा.पा.२ घर हुइटी धनगढी उ.म.न.पा. ७ जे.पी.चोक स्थित कोठा करटी बैठना वर्ष २८ के रामलाल डगौरा ओ धनगढी उ.म.न.पा.७ बैठना वर्ष २३ के अनिल चौधरी रहल बटै ।
जिल्ला प्रहरी कार्यालय कैलालीसे खटल प्रहरी टोलीसे रामलाल डगौराके कोठामे गोप्य सुचनाके आधारमे शंका लग तलासी करके उ पदार्थ फेला पारके दुनु जाने पक्राउ करल बा ।
ओस्टेक करके, जिल्ला कैलाली धनगढी उ.म.न.पा.८ धनगढी गाउँ स्थितसे अवैध लागूऔषध ब्राउनसुगर जेस्ते देख्ना धुलो पदार्थ १०० मिलिग्राम सहित जिल्ला कैलाली बर्दगोरिया गा.पा.२ घर हुइल हाल धनगढी उ.म.न.पा.८ कोठा करके बैठना वर्ष २० के मनिषा चौधरीहे जिल्ला प्रहरी कार्यालय कैलालीसे खटल प्रहरी टोलीसे मंगर बेलुका शंका लग चेकजाँच करके उ पदार्थ फेला पारके पक्राउ करल बा ।
