सुर्खेत प्रहरीसे चार थान भरुवा बन्दुक बरामद

पहुरा समाचारदाता
सुर्खेत, २९ सावन । सुर्खेत प्रहरीसे बनवामे नुकाके राखल अवस्थामे चार थान भरुवा बन्दुक फेला परल बा ।
शुकके बिहान १०ः१५ बजे ओर बराहताल–६ स्थित बिउरेनीके बनवासे उ बन्दुक बरामद करल जिल्ला प्रहरी कार्यालय सुर्खेतके प्रहरी नायव उपरीक्षक कवीन्द्रसिंह बोहोरा जानकारी देलै ।

उहाँके अनुसार भरुवा बन्दुक लुकाई छिपाई राखल बा कहटी गोप्य सूचनाके आधारमे इलाका प्रहरी चौकी बाबियाचौरसे प्रहरी निरीक्षक भुपेन्द्र शाहीके कमान्डमे आठ जनाके प्रहरी टोली खटल रहे ।

प्रहरी टोलीसे खोजी करना क्रममे काठके थुप्राइल भिटर नुकाके राखल अवस्थामे चार थान बन्दुक फेला परल हो । फेला पारके बन्दुकमध्ये तीन ठो भरुवा बन्दुक ‘लोडेड’ अवस्थामे रहे ।