कैलारीमे भिन्न तरिकासे मनागिल गुरही पर्व

कानूनी अधिकार, पहुँच सुनिश्चितता सम्बन्धी वृहत् सचेतना

पहुरा समाचारदाता
धनगढी, २ भदौ । कैलारी गाउँपालिका ओ बहुउद्देश्यीय बिकास समाज डडेल्धुराके संयुक्त आयोजनामे थारु समुदायके मौलिक साँस्कृतिक चाड गुरही पर्वके विशेष अवसरमे वृहत साँस्कृतिक रुपमे एकीकृत सामुदायिक कानूनी सचेतना तथा न्याय प्रवद्र्धन कार्यक्रम कैगिल बा ।

कैलारी गाउँपालिकाके समन्वय ओ UNDP/(A2J)-II के आर्थिक सहयोगमे संचालित संस्थागत सुधार मार्फत न्यायमे पहुँच अभिवृद्धि परियोजना (A2J)-“कानूनी सहायता,जवाफदेहिता ओ जनकेन्द्रीत न्यायका लागि महिला तथा सिमान्तकृत समुदायको सशक्तीकरण“ अन्तर्गत पाछे पारल विपन्न वर्ग समुदाय महिला, जनजाति, दलित तथा अन्य सीमान्तकृत समुदायमे साँस्कृतिक रुपमे कानूनी सचेतना तथा जागरण करके न्यायमे पहुँच पुगैना उद्देश्यसे उ कार्यक्रम आयोजना करल हो ।

उ वृहत् साँस्कृतिक गुरही कार्यक्रममे टमान वडाके महिला, दलित, जनजाति ओ विपन्न समुदायसे समान अधिकार, न्याय ओ सेवा सुविधामे पहुँच, समानता, समान ज्याला, हरेक निकायमे पाछे पारल वर्ग समुदायके समानुपातिक प्रतिनिधित्व लगायतके सवालमे सचेतनामूलक नाटक, सामूहिक गित, नृत्यनाटक, कविता ओ सन्देशमूलक जिगंल प्रस्तुत करल रहे ।

कार्यक्रम स्थानीय टमान संस्था, सहकारी समूह ओ मिडियासंग समन्वय एंव सहकार्यमे करल रहे ।
वृहत् साँस्कृतिक कार्यक्रमके एक भब्य समारोहके विच कार्यक्रमके प्रमुख अतिथी एंव कैलारी गाउँपालिका अध्यक्ष राजसमझ चौधरी समुद्घघाटन करल रहिट ।
कार्यक्रममे पालिका अध्यक्ष चौधरी यी कार्यक्रमसे थारु कला संस्कृति ओ पहिचान संरक्षणमे टेवा पुग्नके साथे महिला, दलित ओ सीमान्तकृत समुदायके हक अधिकार सुनिश्चितता ओ न्यायमे पहुँच प्रवद्घनमे सहयोग पुग्न विश्वास व्यक्त करलै ।

कार्यक्रममे पालिका उपाध्यक्ष भगवती कुमारी चौधरी गुरही पर्वमे महिला ओ सीमान्तकृत समुदायके अधिकार ओ कानूनी सचेतना सहितके साँस्कृतिक कार्यक्रम उत्कृष्ट एंव नमूना कार्यक्रम हुइल बटैटी यिहीसे गाउँ गाउँमे जागरण ल्यन्ना बटैली ।

कार्यक्रममे कैलारी गाउँपालिका वडा नं–५ के अध्यक्ष बिष्णु प्रसाद चौधरी, थारु कल्याणकारी सभा कैलारीके सभापति कृष्ण चौधरी, बहुउद्देश्यीय बिकास समाज डडेल्धुराके चन्द्रा शर्मा, राजेन्द्र रैका, लगायत महिला अधिकारकर्मीहुक्रे मन्तव्य राखल रहिट ।

कार्यक्रम थारु महिला संजालके अध्यक्ष कृष्णा चौधरीके अध्यक्षतामे सम्पन्न हुइल रहे कलेसे संचालन सरिता चौधरी करल रही । कार्यक्रममे टमान राजनैतिक दलके प्रमुख एंव प्रतिनिधि, पालिकका,वडाके जनप्रतिनिधि, कर्मचारी, स्थानीय टमान संघसंस्था, बडघर भलमन्सा, सहकारी, सामुदायिक वनके पदाधिकारीहुकनके सहभागिता रहे ।