४ लाख ८६ हजार बराबरके सामान नियन्त्रणमे
पहुरा समाचारदाता
धनगढी, २ भदौ । कैलाली ओ कञ्चनपुरके टमान ठाउँसे अवैध भन्सार छलि करके ४ लाख ८६ हजार बराबरके सामान नियन्त्रण करल बा ।
धनगढी उ.म.न.पा. वडा नं २ फन पार्क ओ धनगढी उ.म.न.पा.९ बङ्ग्रा कटान स्थितसे अवैध रुपमे भारतसे भन्सार छलि करके ल्यानल अन्दाजी मूल्य रु. १ लाख ८१ हजार ७ सय ३० रुपयाँ बराबरके सामान नियन्त्रण करल हो ।
सोम्मारके जिल्ला प्रहरी कार्यालय कैलाली ओ मातहत प्रहरी कार्यालयसे खटल प्रहरीसे बेवारिसे अवस्थामे फेला पारके कपडा, सुर्ति ओ बिडी लगायतके सामानहे नियन्त्रण लेहल बा ।
ओस्टेक करके, कञ्चनपुर भिमदत्त न.पा. वडा नं ११ गड्डाचौकी स्थितसे अवैध रुपमे भारतसे भन्सार छलि करके ल्यानल अन्दाजी मूल्य रु. ३ लाख ५ हजार रुपयाँ बराबरके सामान नियन्त्रण करल बा ।
सोम्मारके इलाका प्रहरी कार्यालय गड्डाचौकी,कञ्चनपुरसे खटल प्रहरीसे बेवारिसे अवस्थामे फेला पारके कपडा, हार्डवेयर सामान, मोबाइल कभर ओ किराना लगायतके सामानहे नियन्त्रणमे लेहल बा ।
