एमपिडिएससे स्थानीय जनप्रतिनिधि ओ सीमान्तकृत समुदाय बीच अन्तरक्रिया

पहुरा समाचारदाता
धनगढी, ५ भदौ । स्थानीय जनप्रतिनिधि ओ सीमान्तकृत समुदाय बिच अन्तरक्रिया कार्यक्रम हसुलियामे सम्पन्न हुइल बा ।

कैलारी गाउँपालिकाके समन्वय यूएनसडिपी÷एटुजेडके सहयोगमे बहुउद्देश्यीय बिकास समाज (एमपिडिएस)डडेल्धुरासे संचालित संस्थागत सुधार मार्फत न्यायमा पहुँच अभिवृद्धि परियोजना(A2J)-II,“कानूनी सहायता, जवाफदेहीता र जनकेन्द्रीत न्यायका लागि महिला तथा सीमान्तकृत समुदायको सशक्तीकरण“ कार्यक्रम अन्तर्गत स्थानीय जनप्रतिनिधि ओ सीमान्तकृत समुदाय बिच अन्तरक्रिया कार्यक्रम हुइल हो ।

पाछे पारल विपन्न वर्ग समुदाय महिला, जनजाति, दलित, मुक्त कमैया, कमलरी, हलिया तथा अन्य सीमान्तकृत समुदायसे भोग्टी आइल सामाजिक समस्या, सवाल गुनासो वारेमे स्थानीय जनप्रतिनिधि तथ सरोकारवाला निकायहे प्रत्यक्ष जानकारी कराके दोहोरो संबाद मार्फत ओइनके सवाल सम्बोधन करके हरेक क्षेत्र, विकास निर्माण प्रकृयामे समान सहभागीता ओ समानुपातिक प्रतिनिधित्व, कानूनी सचेतना तथा न्यायमे पहुँच पुगैना उद्देश्यसे उ कार्यक्रम आयोजना करल हो ।

कार्यक्रममे टमान वडाके महिला, दलित, जनजाति ओ विपन्न समुदायसे अपनेहुकनके समान अधिकार, न्याय ओ सेवा सुविधामे पहुँच, समानता, समान ज्याला, हरेक निकायमे पाछे पारल वर्ग समुदायके समानुपातिक प्रतिनिधित्व हुईपर्ना माग करल रहिट ।

कार्यक्रममे कैलारी गाउँपालिका उपाध्यक्ष तथा न्यायिक समिति संयोजक भगवती कुमारी चौधरी महिला, दलित ओ सीमान्तकृत समुदायके हक अधिकार सुनिश्चितता ओ न्यायमे पहुँच अभिवृद्धि कैना अपने सदैव कृयाशिल रहल बटैटी पालिकाके हरेक नीति तथा कार्यक्रमहे महिला तथा सीमान्तकृत समुदायमैत्री बनैना प्रतिवद्घता व्यक्त करली ।

कार्यक्रममे पालिका उपाध्यक्ष यैसिन कार्यक्रमसे सीमान्तकृतमैत्री योजना तथा कार्यक्रम बनैना मद्दत मिल्न बटैली ।

कार्यक्रममे कैलारी गाउँपालिका प्रमुख प्रशासकीय अधिकृत दल बहादुर धामी वडा नं–५ के अध्यक्ष विष्णु प्रसाद चौधरी, वडा नं ६ के अध्यक्ष प्रेम चौधरी, थारु महिला संजालके अध्यक्ष कृष्णा चौधरी, बन्दरगौडी विपद ब्यवस्थापन समिति अध्यक्ष संगीता चौधरी, थारु महिला अगुवा शान्ति चौधरी, भलबन्सा, एमपिडिएसके चन्द्रा शर्मा, माघुराम चौधरी लगायतसे मन्तव्य राखल रहिट ।

कार्यक्रमके सहजीकरण तथा संचालन एमपिडिएसके राजेन्द्र रैका करल रहिट । कार्यक्रममे टमान वडाके जनप्रतिनिधि, कर्मचारी,
स्थानीय टमान संघसंस्था, वडघर भलमन्साहुक्रे, सहकारी ,वन समिती लगायतके सहभागीता लगायत सीमान्तकृत समुदायके सहभागीता रहल रहे ।