कैलाली जनपुस्तकायसे भोटेकोशी बाढ पिडितके लाग पच्चीस हजार सहयोग

पहुरा समाचारदाता
धनगढी, १२ भदौ । भोटेकोशी बाढपीडितके राहत तथा पुनस्र्थापनाके लाग कैलाली जनपुस्तकालय धनगढी,कैलालीसे २५ हजार रुप्या सहयोग करले बा ।

बाढसे भारी जनधनके क्षति हुके कैयौँ परिवार पीडामे रहल बेला पुस्तकालयके प्रबन्ध समितिके बैठकसे भदौ १३, १४ ओ १५ गतेके अपन स्थापना दिवसके अवसरमे कैना टमान कार्यक्रम स्थगित करके बिपद प्रभावित क्षेत्रमे राहतके लाग रकम प्रदान कैना निर्णय करल पुस्तकालयके अध्यक्ष शिवराज ओझा जानकारी डेलै ।

उहाँ बिपद प्रभावित क्षेत्रमे उद्घार राहत ओ प्रतिकार्यके लाग सामाजिक उत्तरदायित्व अन्तरगत सहयोग कैना बटैलै ।

पुस्तकालयके ओरसे २५ हजार रुप्या नेपाल सरकारके ‘प्रधानमन्त्री दैवी प्रकोप उद्धार कोष’ अन्तर्गत आधिकारिक बैंक खाता नं मे जम्मा करल पुस्तकालयके प्रबन्ध समितिके कोषाध्यक्ष राजेन्द्र रैका बटैलै ।