नमस्ते सहकारीसे बाढपीडितके लाग ४१ हजार १११ रुप्या सहयोग
पहुरा समाचारदाता
धनगढी, १५ भदौ । कैलालीके धनगढी उपमहानगरपालिका वडा नम्बर ८ मे रहल नमस्ते बचत तथा ऋण सहकारी संस्था लिमिटेडसे भोटेकोशी बाढसे प्रभावित तथा पीडितके सहयोगके लाग बाढपीडितके लाग ४१ हजार १११ रुप्या आर्थिक सहयोग करले बा ।
सामाजिक उत्तरदायित्व बहन करटी सहकारीसे उ रकम प्रधानमन्त्री दैवीप्रकोप उद्धार कोषमे जम्मा करल हो ।
बाढसे प्रभावित नागरिकके उद्धार, राहत तथा पुनःस्थापनामे सहयोग पुगे कना उद्देश्यसे नमस्ते सहकारीसे उ रकम उपलब्ध कराइल सहकारीके अध्यक्ष रोहित चौधरी जनैलै ।
रसुवाके भोटेकोशीमे आइल बाढके कारण टमान क्षेत्रमे भारी जनधनके क्षति हुइल ओ प्रभावित परिवारहे तत्काल राहत तथा सहयोग आवश्यक रहल ओरसे सहकारीके ओरसे सहयोग करल सहकारीके अध्यक्ष जनैलै ।
नमस्ते सहकारी विपद्के यी कठिन समयमे पीडित नागरिकप्रति ऐक्यबद्धता जनैटी अपन ओरसे सहयोग करल हो ।
