फरार दुई प्रतिवादी पक्राउ

पहुरा समाचारदाता
धनगढी, १६ भदौ । फैसला कार्यान्वयनके सिलसिलामे जिल्ला अदालत कैलालीके फैसलासे सवारी ज्यान मुद्दामे १ वर्ष कैद सजाय ओ रु २ हजार जरिवाना तोकल जोशीपुर गा.पा.५ बैठना वर्ष ४० के टेक बहादुर मौनीहे पक्राउ परल बा ।

इलाका प्रहरी कार्यालय जोशीपुर, कैलालीसे खटल प्रहरी टोलीसे सोम्मारके रोज उहाँके घर ठेगानासे पक्राउ करल बा ।

ओस्टेक, दर्चुला जिल्लाके फैसला कार्यान्वयनके सिलसिलामे जिल्ला अदालत दार्चुलाके २०८२ माघ १८ गतेक फैसलासे लागूऔषध (चरेश) मुद्दामे ९ दिन कैद सजाय तोकलके महाकाली न.पा.४ बैठना वर्ष २२ के बिजय टमटाहे पक्राउ परल बा ।

जिल्ला प्रहरी कार्यालय दार्चुलासे खटल प्रहरी टोलीसे सोम्मार दोप्हर उहाँके घर ठेगानासे पक्राउ करल बा ।