अवैध लागूऔषध सहित दुई जाने पक्राउ

पहुरा समाचारदाता
धनगढी, १७ भदौ । कञ्चनपुर जिल्लाके कृष्णपुर न.पा.८ कान्तिपुर स्थित गोप्य सुचनाके आधारमे अवैध लागूऔषध खैरो हिरोइन ७९० मिलिग्राम ओ नगद रु.८ हजार १ सय ९० रुपया सहित उहे ठाउँ बैठना वर्ष २९ के दिनेश चौधरी ओ कैलाली जिल्लाके गोदावरी न.पा.५ बैठना वर्ष २२ के शुसिल चौधरीहे पक्राउ करले बा ।

मंगरके रोज दोप्हर इलाका प्रहरी कार्यालय रैकवार, कञ्चनपुरसे खटल प्रहरी टोलीसे दिनेश चौधरीके घरकोठा खोजतलासी करटी पोका वनाइटी रहल अवस्थामे उ पदार्थ फेला पारके पक्राउ करल हो ।