होटलमे जुवातास खेलटी रहल ६ जाने पक्राउ

पहुरा समाचारदाता
कञ्चनपुर, १ कुँवार । कञ्चनपुर जिल्लाके शुक्लाफाँटा नगरपालिका–११, कलुवापुरस्थित एक होटलमे जुवातास खेलटी रहल अवस्थामे प्रहरी होटल सञ्चालकसहित ६ जानेहे पक्राउ करल बा ।

बुधके रोज दोप्हर प्रहरीके अनुसार कलुवापुरमे जुवातास खेलटी रहल कना गोप्य सूचना प्राप्त हुइलपाछे इलाका प्रहरी कार्यालय झलारी, कञ्चनपुरसे खटल प्रहरी टोली होटलमे छापा मारल रहे । छापा मारल क्रममे स्थानीय ४० वर्षीय भोजबहादुर ऐरसे सञ्चालन करल होटलमे जुवातास खेलटीरहलके अवस्थामे ऐरसहित ६ जानेहे पक्राउ करल प्रहरी जनैले बा ।

प्रहरी उहाँहुकनके साथसे नगद १९ हजार १९५ रुपयाँ ओ तास समेत बरामद करल बा । पक्राउ परलहुकन उप्पर आवश्यक अनुसन्धान हुइटीरहल इलाका प्रहरी कार्यालय झलारीसे जनैले बा ।