थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ अगहन २६५०, बुध ]
[ वि.सं २ मंसिर २०८३, बुधबार ]
[ 18 Nov 2026, Wednesday ]

धनगढीमे तीनदिने ’खाना उत्सव आयोजना हुइना

पहुरा | २ मंसिर २०८३, बुधबार
धनगढीमे तीनदिने ’खाना उत्सव आयोजना हुइना

पहुरा समाचारदाता
धनगढी, २ अगहन । धनगढीमे तीनदिन खाना उत्सव (फुड फेस्टिभल) आयोजना हुइना हुइल बा । धनगढी उपमहानगरपालिका ओ होटल व्यवसायी संघ कैलालीके सहकार्यमे फुड फेस्टिभल सञ्चालन कैना लैगिल हो ।

फुड फेस्टिभल सञ्चालनके लग धनगढी उपमहानगरपालिका ओ होटल व्यवसायी संघ कैलालीबीच सम्झौता हुइल बा । सम्झौताअनुसार उपमहानगरपालिकासे फुड फेस्टिभल आयोजनाके लग होटल व्यवसायी संघ कैलालीहे १० लाख रुप्याँ अनुदान उपलब्ध करल बा ।

सम्झौताअनुसार फुड फेस्टिभल तीन दिनसम धनगढीमे सञ्चालन हुइना बा । कार्यक्रमके मिति, समय ओ स्थान दुनु पक्षके आपसी समन्वयमे निर्धारण करल बटैल बा ।

धनगढीके स्थानीय खानाके परिकार, होटल ओ पर्यटन व्यवसायहे प्रवद्र्धन कैना उद्देश्यसे आयोजना हुइना लागलके फुड फेस्टिभलके व्यवस्थापनमे उपमहानगरपालिकासे आवश्यक समन्वय, सहजीकरण ओ अनुगमन कैना सम्झौतामे उल्लेख करल बा ।

 

जनाअवजको टिप्पणीहरू