थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ चैत २६४७, शुक्कर ]
[ वि.सं १६ चैत्र २०८०, शुक्रबार ]
[ 29 Mar 2024, Friday ]
‘ सम्पादकीय... ’

अनिकालमे बिया, महामारीमे ज्यान बचाई

पहुरा | १८ बैशाख २०७७, बिहीबार
अनिकालमे बिया, महामारीमे ज्यान बचाई

हम्रे अनलाइनमे हाजिर बाटी विश्वभर महामारीके रूपमे फैल्टी रहल कोरोना भाइरस (कोभिड–१९) के कारण पहुरा थारु दैनिकके प्रिन्ट संस्करण गैल चैत्र १२ गतेसे पाठक सामु पुगे नाइसेकल हो ।

कोरोना भाइरसके संक्रमणसे बाँचेक लाग प्रायः सक्कु देशमे लक–डाउन हुइलसंगे जिल्ला प्रशासन कार्यालय कैलाली गैल चैत ११ गते दिनके २ बजेसे अनिश्चितकालीन निशेषज्ञा जारी करल । नेपाल सरकार गैल चैत ११ गतेक रातसे लक–डाउनके घोषणा करल । जिहीसे प्रायः सक्कु क्षेत्र ठप्प हुइलेक कारण हम्रेफे पाठक सामु पुगे नाईसेक्ले हुइटी । आमसमुदायहे सूचना डेना सञ्चार जगतके कर्तव्य रहटी–रहटी कोरोना भाइरसके संक्रमणसे सजकता अपनैना कहटी प्रिन्ट संस्करण बजार ओ पाठकसामु जाइ नाई सेकल हो । उ संगे पत्रिकाके अनलाइन (पहुरा डटकम) फे अपडेट हुई नइसेकलप्रति पहुरा मिडिया प्रकाशन क्षमाप्रार्थी बावै । मने आब हम्रे पहुरा डटकममे हाजिर हुइटी दैनिक अपडेटमे रहना जानकारी कराइटी । लक–डाउनके कारण हमार प्रिन्ट संस्करण पाठकसामु पुगे नाई सेक्लेसे फेन बहुट जल्डी पाठक सामु हाजिर हुइनामे विश्वास्त बाटी ।

कोरोना भाइरस जिहीफे लागे सेकी यिहीसे बाँचेक सक्कु जे सगकता अपनाई, अपने सुरक्षित रही, अपन घर, परिवार, समाज ओ देशमे सुरक्षित बनाई हमार कामना बा । अनिकालमे विउ जोगाई, महामारीमे ज्यान जोगाई, अनुरोध बा ।

जनाअवजको टिप्पणीहरू