थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २८ सावन २६४६, शनिच्चर ]
[ वि.सं २८ श्रावण २०७९, शनिबार ]
[ 13 Aug 2022, Saturday ]

धनगढीमे शैक्षिक मेला सुरु

पहुरा समाचारदाता | १९ फाल्गुन २०७६, सोमबार
धनगढीमे शैक्षिक मेला सुरु

पहुरा समाचारदाता
धनगढी, १९ फागुन । सुदूरपश्चिमके धनगढीमे अँट्वारसे शैक्षिक मेला शुरु हुइल बा । एजुकेशन डटकमके आयोजनामे होटेल जलसामे शुरु हुइल मेला आज सोम्मारसम चल्ना बा ।
मेलाके सुदूरपश्चिम प्रदेश नेपाली का“ग्रेस संसदीय दलके नेता रणबहादुर रावल ओ नेपाली का“ग्रेस कैलाली सभापति नरनारायण शाह (मनु) संयूक्त रुपमे रिवन काटके उद्घाटन करल रहिट ।
नेपालमे उच्च शिक्षा लेहे चहुइया विद्यार्थीहे लक्षित कैके शैक्षिक मेला आयोजना करल जनाइल बा । ‘अपने क्षेत्रमे शिक्षा हासिल कैके विश्वभर परिचित हुइ’ कना मुल नाराके साथ जारी मेलामे काठमाण्डौ विश्वविद्यालय, त्रिभुवन विश्वविद्यालय, पोखरा विश्वविद्यालय, पुर्वाञ्चल विश्वविद्यालय ओ ऐश्वर्य बहुमुखी क्याम्पसके विद्यार्थीहे निःशुल्क परामर्श डेटी रहल भिजन मिडिया इन्कर्पोरेशनके प्रमुख कार्यकारी निर्देशक तारामान रावल जानकारी डेलै ।
ओस्टके सुदूर पश्चिमाञ्चल क्याम्पस, कैलाली बहुमुखी क्याम्पस, नेपाल वेष्टर्न कलेज तथा टमान अन्तर्राष्ट्रिय विश्वविद्यालयसे आवद्ध विद्यार्थीहे परामर्श डेटी रहल उहाँ बटैलै । मेलामे ३० से ढिउर कलेजके सहभागीता रहल बा ।
सुदूरपश्चिम प्रदेशके टमान क्याम्पसके विद्यार्थीहुक्रनके सहभागिता रहल जनाइल बा ।

जनाअवजको टिप्पणीहरू