भालकुसारी महिला कृषक समूहहे माहुरी वितरण

पहुरा समाचारदाता
धनगढी, २९ फागुन । धनगढी उपमहानगरपालिका ८ श्री गणेश टोलमे रहल भलाकुसारी महिला कृषक समूहहे बिफेक रोज धनगढी उपमहानगरपालिका २० घार माहुरी वितरण करले बा ।
धनगढी उपमहानगरपालिकाके प्रमुख नृपबहादुर वड, वडा नम्बर ८ के अध्यक्ष नारायण बराल ओ कृषि शाखा प्रमुख लोकराज उपाध्याय भलाकुसारी महिला कृषक समुहहे २० घार माहुरी लगायत मह निकरना मदानी प्रदान करल हुइट ।
उपमहानगरपालिकाके यूवा लक्षित कार्यक्रम अन्तरगत ५० प्रतिशत अनुदानमे माहुरी सहितके घार उपलब्ध कराइल धनगढी उपमहानगरपालिकाके प्रमुख नृपबहादुर वड बटैलै । किसानमे आपन पनके भावना विकास होए कहिके हिस्सा किसानहुृक्रे फेन लगाइ परल कना मान्यता हमार हो नगरप्रमुख वड कहलै, मजा काम करुइया किसानहे थप सहयोग पुग्ना मेरके कार्यक्रम लन्ना सोचमे बाटी । नगरप्रमुख वड भलाकुसारी महिला कृषक समूहसे मजा करलेसे माहुरीके बिउ श्रोत केन्द्रके रुपमे विकास कैना बटैलै ।
धनगढी उप–महानगरपालिका ८ के अध्यक्ष नारायण बराल भलाकुसारी महिला कृषक समुहसे करल मागके आधारमे माहुरी ओ घार उपलब्ध कराइल बटैलै । उहाँ कहलै, यम्ने ५० प्रतिशत लगानी समूहके बा । धनगढी उपमहानगरपालिका कृषि
शाखा प्रमुख लोकराज उपाध्याय भलाकुसारी महिला कृषक समूह बहुट सक्रिय रहल बटैलै । उहाँ कहलै, उहाँहुकनमे कुछ करी कना भावना रहल बा । टबमारेसे फेन उपमहानगरपालिका सहयोग करल हो ।
भलाकुसारी महिला कृषक समूहके अध्यक्ष कमला वली बुढाथोकी अपने माहुरीके श्रोत केन्द्र बनैना उदेश्यके साथ जुटल बटैली ।